ബെംഗളൂരു: 63 വർഷത്തെ ബെംഗളൂരുവാസത്തിന് വിരാമമിട്ട് നാട്ടിലേക്ക് മടങ്ങുന്ന കെസിആർ നമ്പ്യാർക്ക് കേരള സമാജം ദൂരവാണിനഗർ യാത്രയയപ്പ് നല്കി. 1967 മുതൽ കേരള സമാജം ദൂരവാണിനഗർ പ്രവർത്തക സമിതി അംഗമായും ട്രഷററായും സാഹിത്യ വിഭാഗ അംഗമായും സാഹിത്യ മത്സര വിധികർത്താവായും പ്രവർത്തിച്ചിരുന്ന കെസിആർ നമ്പ്യാർ ബെംഗളൂരുവിലെ അറിയപ്പെടുന്ന കവിയും അക്ഷര ശ്ലോക സദസ്സുകളിലെ ശ്രദ്ധേയ സാന്നിധ്യവുമാണ്. മറുനാട്ടിൽ മലയാള ഭാഷക്കും സാഹിത്യത്തിനും നൽകിയ പ്രാധാന്യം മാതൃകപരമാണെന്നും സാമൂഹിക സാംസ്കാരിക രംഗത്തെ അദ്ദേഹത്തിന്റെ നിസ്വാർത്ഥ സേവനം പ്രശംസനീയമാണെന്നും കേരള സമാജം വിലയിരുത്തി.
സമാജം പ്രസിഡന്റ് മുരളീധരൻ നായർ, മുൻ പ്രസിഡന്റുമാരായ എം എസ് ചന്ദ്രശേഖരൻ, പി.ദിവാകരൻ, പീറ്റർ ജോർജ്, എസ് കെ നായർ, വൈസ് പ്രസിഡന്റ് എം പി വിജയൻ, ജനറൽ സെക്രട്ടറി ഡെന്നിസ് പോൾ എന്നിവർ യോഗത്തില് അദ്ദേഹത്തിന്റെ സംഭാവനകൾ വിലയിരുത്തുകയും ആശംസകൾ നേരുകയും ചെയ്തു.
ട്രഷറർ എം കെ ചന്ദ്രൻ, സമാജം എഡ്യൂക്കേഷണൽ സെക്രട്ടറി ചന്ദ്രശേഖര കുറുപ്പ്, സോണൽ സെക്രട്ടറിമാരായ കെ കെ പവിത്രൻ, പുരുഷോത്തമൻ നായർ, പ്രവർത്തക സമിതി അംഗങ്ങളായ, ചന്ദ്രമോഹൻ, ശ്രീകുമാരൻ, സുനിൽ നമ്പ്യാർ, അനിൽ കുമാർ, വനിതാ വിഭാഗം ചെയർപേഴ്സൻ ഗ്രേസി പീറ്റർ, കൺവീനർ സരസമ്മ സദാനന്ദൻ, ശാന്തമ്മ വർഗ്ഗീസ്, സാഹിത്യ വിഭാഗം കൺവീനർ സി കുഞ്ഞപ്പൻ, സാഹിത്യ വിഭാഗം അംഗങ്ങളായ വി കെ സുരേന്ദ്രൻ, സൗദ റഹ്മാൻ, മുൻ ഭാരവാഹികളും പ്രവർത്തകരുമായ വി വി രാഘവൻ, ടി ഇ വർഗ്ഗീസ്, സി കെ ജോസഫ്, കെ പി രാമചന്ദ്രൻ, ദിവാകരൻ, സമാജം ലൈബ്രെറിയൻ രാജൻ എന്നിവരും കെസിആർ നമ്പ്യാരുടെ കുടുംബാംഗങ്ങളും പങ്കെടുത്തു.
<BR>
TAGS : KERALA SAMAJAM DOORAVAANI NAGAR
