ബെംഗളൂരു: 2025ലെ സിവില്‍ സര്‍വീസ് പരീക്ഷക്കുള്ള പരിശീലനത്തിന്റെ പ്രാരംഭ ക്ലാസുകള്‍ കേരള സമാജം ഐ എ.എസ് അക്കാദമിയില്‍ തുടങ്ങി. പ്രിലിമിനറി, മെയിന്‍ പരീക്ഷകള്‍ക്കായുള്ള പതിനഞ്ചു മാസം നീളുന്ന ഓണ്‍ലൈന്‍ പരിശീലനത്തില്‍ പൊതുവിഷയങ്ങള്‍ കൂടാതെ ഹിസ്റ്ററി, സോഷ്യോളജി എന്നീ ഐച്ഛിക വിഷയങ്ങളിലും ക്ലാസുകളുണ്ടാകും. ദിവസവും വൈകിട്ട് 7 മുതല്‍ 9 വരെയാണ് ക്ലാസുകള്‍. മാതൃകാ പരീക്ഷകള്‍ ഓഫ് ലൈനായും എഴുതാം.
സിവില്‍ സര്‍വീസ് ഉദ്യോഗസ്ഥരടങ്ങുന്ന സമിതിയാണ് പരിശീലനം നല്‍കുന്നത്. കസ്റ്റംസ് അഡിഷനല്‍ കമ്മീഷണര്‍ പി. ഗോപകുമാര്‍ മുഖ്യ ഉപദേഷ്ടാവായ സമിതിയില്‍ പ്രഗത്ഭ സിവില്‍ സര്‍വീസ് പരിശീലകരായ വൈ . സത്യനാരായണ, ശോഭന്‍ ജോര്‍ജ് എബ്രഹാം, വി. സത്യ, ജി. രമേഷ്, ഡോ. മോഹന്‍ കൃഷ്ണമൂര്‍ത്തി, ദേവപ്രസാദ്, ഡോ. അബ്ദുള്‍ ഖാദര്‍,നവനീത് കുമാര്‍, നിഖില്‍ ശ്രീകുമാര്‍, ഡോ. കെ . വി . മോഹന്‍ റാവു, പ്രതീക് ശര്‍മ്മ എന്നിവരാണ് ക്ലാസ്സുകള്‍ നയിക്കുന്നത്.
2011ല്‍ ആരംഭിച്ച അക്കാദമിയില്‍ നിന്നും ഇതു വരെ 155 പേര്‍ക്ക് വിവിധ സിവില്‍ സര്‍വീസുകളില്‍ പ്രവേശനം ലഭിച്ചിട്ടുണ്ട്. പരിശീലനത്തില്‍ പങ്കെടുക്കുവാന്‍ ആഗ്രഹിക്കുന്നവര്‍ 8431414491 എന്ന നമ്പറില്‍ ബന്ധപ്പെടണമെന്ന് ബാംഗ്ലൂര്‍ കേരള സമാജം ജനറല്‍ സെക്രട്ടറി റജികുമാര്‍ അറിയിച്ചു.
