ബെംഗളൂരു: 2026 ലെ സിവില് സര്വ്വീസസ് പരീക്ഷയ്ക്കുള്ള പരിശീലനം മെയ് 11ന് ബാംഗ്ലൂര് കേരളസമാജം ഐഎഎസ് അക്കാദമിയില് ആരംഭിക്കും. ഇന്ദിരാ നഗര് കൈരളീ നി കേതന് എഡ്യൂക്കേഷന് ട്രസ്റ്റില് രാവിലെ 9 ന് കര്ണ്ണാടക സെന്റര് ഫോര് ഇഗവേണന്സ് ചീഫ് എക്സിക്യൂട്ടീവ് ഓഫീസര് ഡോ. ദിലീഷ് ശശി ഐ.എ.എസ് ഉദ്ഘാടനം നിര്വഹിക്കും.
കേരളസമാജം പ്രസിഡന്റ് സി പി രാധാകൃഷ്ണന് അധ്യക്ഷത വഹിക്കും.അക്കാദമിയുടെ മുഖ്യ ഉപദേഷ്ടാവും കസ്റ്റംസ് അഡീഷണല് കമ്മീഷണറുമായ പി. ഗോപകുമാര് ഐആര്എസ് മാര്ഗ്ഗനിര്ദ്ദേശക ക്ലാസെടുക്കും. അക്കാദമിയിലെ പരിശീലകരും കേരള സമാജം ഭാരവാഹികളും സംബന്ധിക്കും.
പതിനഞ്ചു മാസത്തെ പരിശീലനത്തില് പ്രിലിമിനറി, മെയിന് പരീക്ഷകള്ക്ക് സമഗ്ര പരിശീലനം നല്കും. തിങ്കള് മുതല് ശനി വരെ വൈകിട്ട് ഏഴു മുതല് ഒമ്പതുവരെ ഓണ്ലൈനായും ഞായറാഴ്ചകളില് രാവിലെ ഒമ്പതു മുതല് വൈകിട്ട് അഞ്ചുവരെ ഓഫ് ലൈനായും പരിശീലനം നല്കുമെന്ന് കേരളസമാജം ജനറല് സെക്രട്ടറി റജികുമാര് അറിയിച്ചു. ഫോണ്:8431414491
<BR>
TAGS : KERALA SAMAJAM | IAS COACHING CENTRE
SUMMARY : Kerala Samajam IAS Academy: Orientation to be held tomorrow
