ബെംഗളൂരു: സ്വർണക്കടത്ത് കേസിൽ അറസ്റ്റിലായ കന്നഡ നടി രന്യ റാവുവിന്റെ ജാമ്യാപേക്ഷയിൽ ഉത്തരവ് മാറ്റിവെച്ചു. ബെംഗളൂരുവിലെ പ്രത്യേക കോടതിയാണ് ഹർജി പരിഗണിച്ചത്. മാർച്ച് 14 ന് കോടതി വിധി പറയും. മുതിർന്ന അഭിഭാഷകൻ കിരൺ ജാവലിയാണ് രന്യയ്ക്ക് വേണ്ടി ഹാജരായത്.
ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ) ഉദ്യോഗസ്ഥർ രന്യയുടെ അറസ്റ്റിലും, ചോദ്യം ചെയ്യലിലും പാലിച്ചില്ലെന്ന് കിരൺ കോടതിയിൽ പറഞ്ഞു. കസ്റ്റഡിയിൽ വെച്ച് തനിക്ക് മാനസിക പീഡനങ്ങൾ നേരിട്ടതായും, ചില രേഖകളിൽ ഒപ്പിടാൻ ഉദ്യോഗസ്ഥർ നിർബന്ധിച്ചുവെന്നും രന്യ ആരോപിച്ചു. എന്നാൽ നടിയുടെ വാദങ്ങൾ തെറ്റാണെന്നും ജാമ്യം അനുവദിക്കരുതെന്നും ഡിആർഐ സംഘം കോടതിയോട് ആവശ്യപ്പെട്ടു. രന്യക്കെതിരെ വ്യക്തമായ തെളിവുകൾ ലഭിച്ചിട്ടുണ്ട്. ഇക്കാരണത്താൽ തന്നെ ജാമ്യം അനുവദിച്ചാൽ നടി ഒളിവിൽ പോകാൻ സാധ്യതയുണ്ടെന്നും ഉദ്യോഗസ്ഥർ ചൂണ്ടിക്കാട്ടി.
TAGS: BENGALURU
SUMMARY: Bengaluru court reserves judgment on Kannada actress Ranya Rao’s bail plea
