ബെംഗളൂരു: കർണാടകയിലെ സർക്കാർ സ്കൂളുകളിലെ വിദ്യാർഥികൾക്ക് ഉച്ചഭക്ഷണ പദ്ധതിയുടെ ഭാഗമായി ഇനിമുതൽ ആഴ്ചയിൽ ആറ് ദിവസവും മുട്ട നൽകും. അടുത്ത മൂന്ന് വർഷത്തേക്ക് സർക്കാർ, എയ്ഡഡ് സ്കൂളുകളിൽ ഉച്ചഭക്ഷണ പദ്ധതിയുടെ ഭാഗമായി തീരുമാനം പ്രാബല്യത്തിൽ ഉണ്ടാകുമെന്ന് മുഖ്യമന്ത്രി സിദ്ധരാമയ്യ അറിയിച്ചു. അസിം പ്രേംജി ഫൗണ്ടേഷനുമായി സഹകരിച്ചാണ് പദ്ധതി നടപ്പാക്കുന്നത്.
നിലവിൽ, സംസ്ഥാന സർക്കാരിൻ്റെ ഉച്ചഭക്ഷണ പദ്ധതി പ്രകാരം വിദ്യാർഥികൾക്ക് ആഴ്ചയിൽ രണ്ട് ദിവസം മുട്ട നൽകുന്നുണ്ട്. ഇതാണ് ആഴ്ചയിൽ ആറ് ദിവസത്തേക്ക് മാറ്റിയത്. ഇത് വിദ്യാർഥികളിൽ പോഷകാഹാരം വർദ്ധിപ്പിക്കും. സാംസ്കാരിക മുൻഗണനകൾ കാരണം മുട്ട കഴിക്കാത്ത വിദ്യാർഥികൾക്ക് ബദലായി ഉയർന്ന പോഷകാഹാര സപ്ലിമെൻ്റ് നൽകുമെന്ന് മുഖ്യമന്ത്രി പറഞ്ഞു.
TAGS: KARNATAKA | SCHOOLS
SUMMARY: Students of govt, govt-aided schools in Karnataka to get eggs six days a week
