ബെംഗളൂരു: നിയന്ത്രണം വിട്ട ട്രക്ക് റോഡിൽ മറിഞ്ഞുണ്ടായ അപകടത്തിൽ രണ്ട് പേർ മരിച്ചു. തിങ്കളാഴ്ച പുലർച്ചെ ഹൊന്നാവർ താലൂക്കിലെ ഗെറുസോപ്പ-സാഗർ റോഡിലെ സുലിമൂർഖി വളവിലാണ് അപകടമുണ്ടായത്. അപകടത്തിൽ മൂന്ന് പേർക്ക് പരുക്കേറ്റു. മരിച്ചവരും പരിക്കേറ്റവരും ബിഹാർ സ്വദേശികളാണെന്നാണ് സൂചന.
സാഗറിൽ നിന്ന് ഹൊന്നാവറിലേക്ക് സ്റ്റീൽ കയറ്റി പോവുകയായിരുന്ന ട്രക്ക് ആണ് അപകടത്തിൽ പെട്ടത്. അമിതവേഗതയാണ് അപകടകാരണമെന്ന് പോലീസ് പറഞ്ഞു. അപകടസമയത്ത് ആറ് പേരാണ് ട്രക്കിൽ യാത്ര ചെയ്തിരുന്നത്. പരുക്കേറ്റവരെ ഹൊന്നാവറിലെ താലൂക്ക് ആശുപത്രിയിലേക്ക് മാറ്റി. ഹൊന്നാവർ പോലീസ് സംഭവത്തിൽ കേസെടുത്തു.
TAGS: KARNATAKA | ACCIDENT
SUMMARY: Two dies as truck overturns on road
