ഒളിംമ്പിക് മെഡല്‍ ജേതാവും ഗുസ്തി താരവുമായ ബജ്‌റംഗ് പുനിയയെ വീണ്ടും സസ്‌പെന്‍ഡ് ചെയ്തു. ദേശീയ ഉത്തേജക വിരുദ്ധ ഏജന്‍സി (നാഡ)യാണ് താരത്തെ സസ്‌പെന്‍ഡ് ചെയ്തത്. നേരത്തെ കുറ്റപത്രം നല്‍കാത്തതിനെ തുടര്‍ന്നു പുനിയയുടെ സസ്‌പെന്‍ഷന്‍ അച്ചടക്ക സമിതി അസാധുവാക്കിയിരുന്നു. പിന്നാലെയാണ് നാഡ വീണ്ടും നടപടിയെടുത്തത്.
ഉത്തേജക മരുന്ന് പരിശോധനയ്ക്ക് സാമ്പിള്‍ നല്‍കാന്‍ താരം വിസമ്മതിച്ചതാണ് സസ്‌പെന്‍ഷനു കാരണമെന്നു നാഡ പറയുന്നു. ഉത്തേജക മരുന്നു നിയമങ്ങള്‍ താരം ലംഘിച്ചെന്നു ചൂണ്ടിക്കാട്ടിയാണ് വീണ്ടും സസ്‌പെന്‍ഷന്‍. സസ്‌പെന്‍ഷന്‍ ചെയ്തുള്ള അറിയിപ്പ് താരത്തിനു ലഭിച്ചതായി ബജ്‌റംഗിന്റെ അഭിഭാഷകന്‍ വ്യക്തമാക്കി. കഴിഞ്ഞ തവണയും വിചാരണയ്ക്ക് ഹാജരായിരുന്നു. ഇത്തവണയും ഹാജരാകും. താരം ഒരു തെറ്റും ചെയ്തിട്ടില്ലെന്നു അഭിഭാഷകന്‍ പറഞ്ഞു.
TAGS: BAJRANG| SUSPENDED|
SUMMARY: Suspension for Bajrang Punia
