ബെംഗളൂരു: ആർവി റോഡ് മുതൽ ബൊമ്മസാന്ദ്ര വരെ നീളുന്ന നമ്മ മെട്രോയുടെ 19 കിലോമീറ്റർ യെല്ലോ ലൈനിൽ ഇന്ന് ട്രയൽ റൺ ആരംഭിക്കും. മെയിൻലൈൻ ടെസ്റ്റുകളിൽ ഡ്രൈവറില്ലാത്ത ട്രെയിൻ പ്രോട്ടോടൈപ്പ് ആണ് പ്രവർത്തിപ്പിക്കുക. രാവിലെ 10.30 മുതൽ ട്രയൽ റൺ ആരംഭിക്കുമെന്ന് ബിഎംആർസിഎൽ ചീഫ് പിആർഒ ബിഎൽ യശ്വന്ത് ചവാൻ പറഞ്ഞു.
മെയിൻലൈനുകളിൽ, ട്രാക്ഷൻ ബ്രേക്ക് ടെസ്റ്റ്, ഫുൾ ലോഡഡ് സാൻഡ് ബാംഗ് ടെസ്റ്റ്, സിഗ്നലിംഗ് ടെസ്റ്റ്, ആർഡിഎസ്ഒ (റിസർച്ച് ഡിസൈൻ ആൻഡ് സ്റ്റാൻഡേർഡ് ഓർഗനൈസേഷൻ) എന്നിവയിൽ നിന്നുള്ള ഓസിലേഷൻ ട്രയൽ തുടങ്ങിയ വിവിധ പരിശോധനകൾ നടത്തും.
ആർവി റോഡിനെയും ബൊമ്മസാന്ദ്രയെയും ബന്ധിപ്പിക്കുന്ന യെല്ലോ ലൈനിൻ്റെ പ്രവർത്തനം 2021ൽ ആരംഭിക്കാനായിരുന്നു ബിഎംആർസിഎൽ പദ്ധതിയിട്ടത്. പാതയുടെ പണിപൂർത്തിയായെങ്കിലും ട്രെയിനുകൾ ലഭ്യമാകുന്നതിലുള്ള കാലതാമസമാണ് പദ്ധതി വൈകാൻ കാരണമായത്. ഈ വർഷം ഓഗസ്റ്റിൽ പാത തുറക്കാനാണ് ബിഎംആർസിഎല്ലിന്റെ പദ്ധതി.
ആദ്യഘട്ടത്തിൽ ആറു ട്രെയിനുകൾ 15 മിനിറ്റ് ഇടവേളയിലാകും പാതയിൽ സർവീസ് നടത്തുക. 19 കിലോമീറ്റർ ദൈർഘ്യമുള്ള യെല്ലോ ലൈൻ തുറക്കുന്നതോടെ ഇൻഫോസിസ് ഉൾപ്പെടെ ഐടി കമ്പനികൾ ഏറെയുള്ള ഇലക്ടോണിക് സിറ്റിയിലേക്കും മെട്രോ എത്തും.
TAGS: NAMMA METRO| BENGALURU UPDATES
SUMMARY: Metro in yello line trial run to take place today
