ബെംഗളൂരു: ബെംഗളൂരുവിൽ പെയ്ത കനത്ത മഴയിൽ ഓട്ടോയ്ക്ക് മുകളിൽ മരം വീണ് ഒരു മരണം. വ്യാഴാഴ്ച ബനശങ്കരിയിലെ കത്രിഗുപ്പെ മെയിൻ റോഡിലുള്ള ബസ് ഷെൽട്ടറിന് സമീപം വൈകുന്നേരം 7.30ഓടെയാണ് സംഭവം. ഓടിക്കൊണ്ടിരിക്കുന്ന വാഹനത്തിന് മുകളിലേക്ക് മരം പൊട്ടിവീഴുകയായിരുന്നു. ഇട്ടമാട് സ്വദേശി മഹേഷ് (43) ആണ് മരിച്ചത്.
മരം പൊട്ടിവീണതോടെ മഹേഷ് ഓടിച്ചിരുന്ന ഓട്ടോ ഇതിനുള്ളിൽ കുടുങ്ങുകയായിരുന്നു. ബിബിഎംപി ജീവനക്കാരും നാട്ടുകാരും ചേർന്ന് മഹേഷിനെ പുറത്തെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. സംഭവത്തിൽ ബനശങ്കരി പോലീസ് കേസെടുത്തു.
ബിബിഎംപി ഉദ്യോഗസ്ഥർ പിന്നീട് സ്ഥലത്തെത്തി മരവും, തകർന്ന ഓട്ടോയുടെ അവശിഷ്ടങ്ങളും നീക്കം ചെയ്തു. നഗരത്തിൽ വ്യാഴാഴ്ച ഇടിമിന്നലോടും ശക്തമായ കാറ്റോടും കൂടിയ മഴ പെയ്തിരുന്നു. കാറ്റിന്റെ വേഗത മണിക്കൂറിൽ 17 നോട്ട് വരെയാണ് രേഖപ്പെടുത്തിയത്. മെയ് 3 വരെ ബെംഗളൂരുവിൽ അതിശക്തമായല്ലേ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചിട്ടുണ്ട്.
TAGS: BENGALURU | RAIN | DEATH
SUMMARY: Driver killed after tree falls on autorickshaw during rain in Bengaluru
