ബെംഗളൂരു: ചരക്ക് വാഹനം നിയന്ത്രണം വിട്ട് റോഡിൽ മറിഞ്ഞുണ്ടായ അപകടത്തിൽ 29 യാത്രക്കാർക്ക് പരുക്ക്. ചാമരാജനഗർ താലൂക്കിലെ നഞ്ചദേവനപുരയ്ക്ക് സമീപം ചൊവ്വാഴ്ചയാണ് സംഭവം. ഡ്രൈവർക്ക് വാഹനത്തിൻ്റെ നിയന്ത്രണം നഷ്‌ടപ്പെട്ടതിനെ തുടർന്നാണ് അപകടമുണ്ടായത്.
ചരക്ക് വാഹനത്തില്‍ ജോലി സ്ഥലത്തേക്ക് പോകുകയായിരുന്ന 29 സ്ത്രീ യാത്രക്കാർക്കാണ് പരുക്കേറ്റത്. എല്ലാവരും റോഡിലേക്ക് തെറിച്ചുവീഴുകയായിരുന്നു. പരുക്കേറ്റവരിൽ ഒരാളുടെ നില ഗുരുതരമാണ്. വാഹനത്തിൽ അമിതമായി ആളുകളെ കയറ്റിയതാണ് അപകട കാരണമെന്നാണ് പോലീസിന്റെ പ്രാഥമിക നിഗമനം. ചാമരാജനഗർ റൂറൽ പോലീസ് സംഭവത്തിൽ കേസെടുത്തു.
TAGS: KARNATAKA | ACCIDENT
SUMMARY: 29 women passengers injured as goods vehicle overturns in Chamarajanagar
