പത്തനംതിട്ട: ഗവണ്മെന്റ് ജനറല് ആശുപത്രിയില് മരുന്നിനായി വരിനില്ക്കുന്നതിനിടെ രോഗിയുടെ തലയില് ചക്കവീണ് പരുക്കേറ്റു. ഓമല്ലൂർ സ്വദേശിയായ എൻ. ഗംഗാധരൻ നായർക്കാണ് ഈ ദുരനുഭവം ഉണ്ടായത്. ആശുപത്രിയിലെ അത്യാഹിതവിഭാഗത്തിന് സമീപം നിന്ന പ്ലാവില്നിന്നാണ് ചക്ക ഇദ്ദേഹത്തിന്റെ തലയില് പതിച്ചത്. ആഘാതത്തില് ബോധരഹിതനായ ഇദ്ദേഹത്തെ ഉടൻതന്നെ ആശുപത്രിയിലെ അത്യാഹിതവിഭാഗത്തില് പ്രവേശിപ്പിച്ചു.
തലയ്ക്കും കൈകാലുകള്ക്കും പരിക്കേറ്റ ഗംഗാധരൻ നായർ നിലവില് ചികിത്സയിലാണ്. ഇദ്ദേഹത്തിന്റെ ആരോഗ്യനില നിലവില് തൃപ്തികരമാണെന്ന് ആശുപത്രി അധികൃതർ അറിയിച്ചു. ആശുപത്രി വളപ്പിലെ പ്ലാവില് നിന്നും ചക്ക വീണ് രോഗിക്ക് പരുക്കേറ്റ സംഭവം സന്ദർശകർക്കിടയിലും രോഗികള്ക്കിടയിലും വലിയ ആശങ്കയ്ക്ക് ഇടയാക്കിയിട്ടുണ്ട്.
SUMMARY: A jackfruit fell on the head of a patient who was waiting in line to buy medicine at Pathanamthitta General Hospital.
