ന്യൂഡൽഹി: പ്രധാനമന്ത്രി നരേന്ദ്ര മോദിയെ സകുടുംബം സന്ദർശിച്ച് നടനും ബി.ജെ.പി. നേതാവുമായ ജി. കൃഷ്ണകുമാർ. ഭാര്യ സിന്ധു, മക്കളായ അഹാന, ദിയ, ഇഷാനി, ഹൻസിക, മരുമകൻ അശ്വിൻ ഗണേഷ്, കൊച്ചുമകൻ നീയോം അശ്വിൻ കൃഷ്ണ എന്നിവർക്കൊപ്പമായിരുന്നു സന്ദർശനം. സന്ദർശനത്തിന് ശേഷം, കൃഷ്ണകുമാറും മകള് അഹാനയും കുറിപ്പുമായി ഇൻസ്റ്റഗ്രാമില് എത്തി.
ലോകനേതാക്കള് പോലും ആദരവോടെ ഉറ്റുനോക്കുന്ന ഭാരതത്തിന്റെ പ്രിയ പ്രധാനമന്ത്രി നരേന്ദ്ര മോദിജിയെ കുടുംബസമേതം നേരില് കാണാൻ സാധിച്ചതും അദ്ദേഹവുമായി സമയം ചെലവഴിക്കാൻ സാധിച്ചതും പുണ്യമായി കരുതുന്നു എന്നാണ് ചിത്രങ്ങള് പങ്കുവച്ചുകൊണ്ട് കൃഷ്ണകുമാർ കുറിച്ചത്. അതേസമയം തങ്ങളുടെ ചെറിയ സംശയങ്ങള്ക്ക് ക്ഷമയോടെ പ്രധാനമന്ത്രി ഉത്തരം നല്കിയെന്നും, ലോകത്തിലെ ഏറ്റവും സ്വാധീനമുള്ള നേതാക്കളില് ഒരാളുടെ സന്നിധിയിലാണെന്ന് തങ്ങളെന്ന കാര്യം മറന്നുപോയെന്നും അഹാന കുറിച്ചു.
ഈ പ്രഭാതം എന്നും എന്റെ ഹൃദയത്തില് വളരെ സ്പെഷലായിരിക്കും. എന്റെ അച്ഛനെ കണ്ടപ്പോള് ഞാൻ വളരെയധികം അഭിമാനിച്ചു – ഇത്രയധികം പ്രമുഖ വ്യക്തികള്ക്കിടയില് അദ്ദേഹത്തിന് വർഷങ്ങളായി ലഭിച്ച ബഹുമാനവും പരിഗണനയും ഞാൻ കണ്ടു. ഞങ്ങളുടെ കുടുംബത്തിന് ലഭിച്ച സ്വീകരണം അതിനൊരു പ്രതിഫലനമായി തോന്നി. ഒരു മകള് എന്ന നിലയില് എന്റെ ഹൃദയം സന്തോഷത്താല് നിറഞ്ഞു.’ അഹാന കുറിച്ചു.
അഹാനയുടെ വിവാഹം ക്ഷണിക്കാൻ പോയതാണോ എന്നാണ് കമന്റുകളിലെ പ്രധാന ചോദ്യം. എന്നാല് ഇക്കാര്യത്തില് ഔദ്യോഗികമായൊരു വിശദീകരണം കൃഷ്ണകുമാറിന്റെ കുടുംബം നല്കിയിട്ടില്ല.
SUMMARY: Krishnakumar and family meet Prime Minister Narendra Modi
WhatsApp
Telegram
