ന്യൂഡല്‍ഹി: പാകിസ്ഥാന് വേണ്ടി ഇന്ത്യയുടെ സുപ്രധാന വിവരങ്ങള്‍ ചോര്‍ത്തി നല്‍കിയ വ്യോമസേന ഉദ്യോ?ഗസ്ഥന്‍ അറസ്റ്റില്‍. ഉത്തര്‍പ്രദേശ് സ്വദേശിയായ സുമിത് കുമാറാണ് അറസ്റ്റിലായത്. മാസങ്ങള്‍ നീണ്ട അന്വേഷണത്തിനൊടുവിലാണ് ഇയാളെ പിടികൂടിയത്. പാകിസ്ഥാനിലെ രഹസ്യാന്വേഷണ ഏജന്‍സികള്‍ക്കാണ് ഇയാള്‍ വിവരങ്ങള്‍ കൈമാറിയത്.
പാകിസ്ഥാന് ഹാന്‍ഡ്ലര്‍മാര്‍ക്ക് സുമിത് രഹസ്യ സൈനിക വിവരങ്ങള്‍ ചോര്‍ത്തി നല്‍കിയിരുന്നു. രാജസ്ഥാന്‍ ഇന്റലിജന്‍സ് നടത്തിയ പ്രത്യേക അന്വേഷണത്തിലാണ് ഉദ്യോഗസ്ഥന് പിടിവിണത്. പാകിസ്ഥാനുമായുള്ള ബന്ധത്തെ തുടര്‍ന്ന് 2026 ജനുവരിയില്‍ ജയ്സാല്‍മീര്‍ നിവാസിയായ യുവാവിനെ അറസ്റ്റ് ചെയ്തിരുന്നു. ഇയാളെ ചോദ്യം ചെയ്തതില്‍ നിന്നാണ് സുമിതിലേക്ക് അന്വേഷണം തിരിഞ്ഞത്. പാകിസ്ഥാന് ഇന്റലിജന്‍സ് ഏജന്‍സിയുമായി സുമിത് നിരന്തരം ബന്ധപ്പെട്ടിരുന്നതായും വിവരങ്ങള്‍ കൈമാറിയിരുന്നതായും തെളിഞ്ഞു.
ഇന്ത്യന്‍ വ്യോമസേനയുമായി ബന്ധപ്പെട്ട നിര്‍ണായക വിവരങ്ങള്‍ ഇയാള്‍ കൈമാറായിരുന്നതായി കണ്ടെത്തിയിട്ടുണ്ട്. രാജസ്ഥാന്‍ ഇന്റലിജന്‍സും വ്യോമസേനയും സംയുക്തമായി നടത്തിയ ഓപ്പറേഷനില്‍ സുമിത് കുമാറിനെ കസ്റ്റഡിയിലെടുത്ത് ചോദ്യം ചെയ്യുന്നതിനായി ജയ്പൂരിലേക്ക് കൊണ്ടുവന്നു. ഇയാള്‍ക്കെതിരെ ഔദ്യോഗിക രഹസ്യ നിയമപ്രകാരം കേസെടുത്തിട്ടുണ്ട്.
SUMMARY: Air Force officer arrested for spying for Pakistan
