പട്ടാമ്പി: പാലക്കാട് പട്ടാമ്പിക്ക് സമീപം കറുകപ്പുത്തൂരില്‍ ക്വാറി മണ്ണിട്ട് നികത്തുന്നതിനിടെ ടിപ്പർ ലോറി ചെളിയിലേക്ക് താഴ്ന്നുപോയി ഡ്രൈവറെ കാണാതായി. ചാത്തന്നൂർ ചാലാച്ചി സ്വദേശിയായ താഹിർ ആണ് അപകടത്തില്‍പ്പെട്ട ലോറിയിലുണ്ടായിരുന്നത്. ഇന്ന് രാവിലെ 7.30-ഓടെയാണ് സംഭവം നടന്നത്. ക്വാറിയിലെ മണ്ണിടിച്ച്‌ നികത്തുന്നതിനിടെ മണ്‍കൂന ഇടിഞ്ഞ് വാഹനം പിന്നോട്ട് നീങ്ങി സമീപത്തെ കുളത്തിലേക്ക് മറിയുകയായിരുന്നു.
കഴിഞ്ഞ ഒരു മാസമായി ഇവിടെ ക്വാറി നികത്തുന്ന പ്രവർത്തനം നടന്നുവരികയാണ്. വീഴ്ചയുടെ ആഘാതത്തില്‍ ലോറി കുളത്തിലെ ചെളിയില്‍ താഴ്ന്നുപോയി. ഇതുവരെയും ഡ്രൈവറെ കണ്ടെത്താനായിട്ടില്ല. സംഭവസ്ഥലത്ത് ഫയർഫോഴ്‌സ് യൂണിറ്റുകള്‍ എത്തി രക്ഷാപ്രവർത്തനവും തിരച്ചിലും ഊർജ്ജിതമായി തുടരുകയാണ്.
SUMMARY: Accident occurs while filling a quarry in Karukaputhur with soil; a lorry sinks, and the search for the driver continues
