ബെംഗളൂരു: ആന്ധ്രാപ്രദേശിലെ കുർനൂലിൽ വാഹനാപകടത്തില് ചിക്കമഗളൂരു സ്വദേശികളായ എട്ടു പേര് മരിച്ചു. ഒമ്പത് പേർക്ക് പരുക്കേറ്റു. ഉദയി സ്വദേശികളായ കുമാർ (50), ദീപിക (40), ബെല്ലി (അഞ്ച്), സുനിൽ (40), യശോദ (60), ലോലാക്ഷി, പുട്ടമ്മ (55), മീനാക്ഷി എന്നിവരാണ് മരിച്ചത്. ചിലകനദൊഡ്ഡി ഗ്രാമത്തിനുസമീപം ദേശീയപാതയിൽ വ്യാഴാഴ്ച പുലർച്ചെയായിരുന്നു അപകടം. പരുക്കേറ്റവരെ കുർണൂൽ ജില്ലാ ആശുപത്രിയിൽ പ്രവേശിപ്പിച്ചു. ഇതിൽ നാലുപേരുടെ നില ഗുരുതരമാണ്.
കുർനൂലിലെ മന്ത്രാലയയിലുള്ള തീർഥാടനകേന്ദ്രമായ രാഘവേന്ദ്രസ്വാമി മഠത്തിലേക്ക് പോകുകയായിരുന്ന 21 അംഗ സംഘമാണ് അപകടത്തിൽപെട്ടത്.
.
