ബെംഗളൂരു: മൈസൂരുവില്‍ വീട്ടിനുള്ളിൽ കയറിയ പുലിയെ മണിക്കൂറോളം നീണ്ട പരിശ്രമത്തിനൊടുവിൽ പിടികൂടി. ചാമുണ്ഡി ഹിൽസിന് സമീപം സിദ്ധാർഥ ലേഔട്ടിലുള്ള സുരേഷിന്റെ വീട്ടിലാണ് മൂന്ന് വയസ്സോളം പ്രായമുള്ള പുലി കയറിയത്. സുരേഷിന്റെ ഭാര്യ സുജാതയും അമ്മ ശൈലജയും മാത്രം വീട്ടിലുള്ളപ്പോഴാണ് പുലിയെ കണ്ടത്. ശൈലജയുടെ മുറിയിലെ കട്ടിലിന് അടിയിൽ പുലി ഒളിച്ചിരിക്കുകയായിരുന്നു.
Karnataka: Leopard enters house in Mysuru, hides under bed until forest officers comes to rescue it. pic.twitter.com/00AGryqagE
— News Arena India (@NewsArenaIndia) April 17, 2026
ഇന്നലെ രാവിലെയാണു സംഭവം. വീട്ടുടമ സുരേഷ്, ഭാര്യ സുജാത, അമ്മ ഷൈലജ എന്നിവരാണു സംഭവസമയത്തുണ്ടായിരുന്നത്. വാതിൽ പൂട്ടിയിട്ട സുരേഷ് വിവരം വനംവകുപ്പിനെ അറിയിച്ചു. വനംവകുപ്പിലെ 20 ജീവനക്കാർ ചേർന്നു 3 മണിക്കൂർ പരിശ്രമിച്ചാണു പുലിയെ കുരുക്കിയത്. 3 വയസ്സ് പ്രായം വരുന്ന പുലി സമീപത്തെ ചാമുണ്ഡിഹിൽസിൽ നിന്ന് എത്തിയെന്നാണു കരുതുന്നത്. വനംവകുപ്പ് അധികൃതർ പിടികൂടിയ പുലിയെ സംരക്ഷണകേന്ദ്രത്തിലേക്ക് മാറ്റി.
SUMMARY: A leopard that entered a house in Mysuru was captured after an hour-long effort.
