കൊച്ചി: മലയാളം ടെലിവിഷന് രംഗത്തെ സുപരിചിത മുഖമായ സിദ്ധാര്ത്ഥ് വേണുഗോപാല് അന്തരിച്ചു. നീണ്ട രണ്ടുവര്ഷക്കാലം നീണ്ടുനിന്ന രോഗബാധയോടുള്ള പോരാട്ടത്തിനൊടുവിലാണ് അന്ത്യം. ‘കസ്തൂരിമാന്’, ‘ഭാഗ്യജാതകം’ തുടങ്ങിയ ജനപ്രിയ പരമ്പരകളിലൂടെ പ്രേക്ഷകഹൃദയം കീഴടക്കിയ നടനായിരുന്നു അദ്ദേഹം. രോഗബാധിതനായിരുന്ന സിദ്ധാര്ത്ഥിന് താങ്ങും തണലുമായി നിന്ന നടി സീമ ജി. നായരാണ് സങ്കടകരമായ ഈ വാര്ത്ത ലോകത്തെ അറിയിച്ചത്.
സിദ്ധാര്ത്ഥിന്റെ വിയോഗത്തില് മിനിസ്ക്രീന് ലോകം ഒന്നടങ്കം അനുശോചനം രേഖപ്പെടുത്തി. ചെറുപ്പം മുതല് അഭിനയത്തോട് തല്പരനായി സിദ്ധാര്ത്ഥ് കോളേജ് കാലഘട്ടത്തില് പ്രൊഫഷണല് നാടകങ്ങളില് സജീവമായി. സ്വകാര്യ ചാനലില് അവതാരകനായിരിക്കെ സീരിയൽ, സിനിമ നിർമാതാവുമായ അരുൺ ഘോഷിലൂടെ സീരിയലില് എത്തി. അച്ഛനും അമ്മയും അനുജനും അടങ്ങുന്നതായിരുന്നു സിദ്ധാര്ത്ഥിന്റെ കുടുംബം. അച്ഛന് ഏതാനും വര്ഷങ്ങള്ക്ക് മുമ്പ് മരിച്ചിരുന്നു.
SUMMARY: Famous television actor Siddharth Venugopal passes away
