ബെംഗളൂരു: അകാലത്തില് അന്തരിച്ച നടിയും നര്ത്തകിയും ഉര്വശി അവാര്ഡ് ജേതാവുമായ മോനിഷയെ കുറിച്ച് അമ്മ ശ്രീദേവി ഉണ്ണി രചിച്ച ഓര്മ്മകുറിപ്പുകള് ‘എന്റെ മകൾ മോനിഷ’യുടെ പ്രകാശനം നാളെ വൈകുന്നേരം 7 മണിക്ക് ഇന്ദിരാനഗര് ഇസിഎ ഓഡിറ്റോറിയത്തില് നടക്കും. പ്രശസ്ത സിനിമാതാരങ്ങളും നർത്തകികളുമായ മേഥിൽ ദേവിക, ലക്ഷ്മി ഗോപാലസ്വാമി എന്നിവർ മുഖ്യാതിഥികളായി പങ്കെടുക്കും.
മോനിഷ അഭിനയിച്ച ചിത്രങ്ങളിലെ ഗാനങ്ങള് ഉള്ക്കൊള്ളിച്ച സംഗീതവിരുന്നും ഉണ്ടായിരിക്കും. പ്രശസ്ത ഗായകരായ രവിശങ്കർ, പ്രീഥ കെ.വി. എന്നിവർ ഗാനങ്ങള് ആലപിക്കും. ഈസ്റ്റ് കൾച്ചറൽ അസോസിയേഷൻ സാഹിത്യവേദിയും ഗ്രന്ഥശാലയും ചേർന്നാണ് പരിപാടി സംഘടിപ്പിക്കുന്നത്.
SUMMARY: ‘Ente Makal Monisha’; Book launch tomorrow
