ബെംഗളൂരു: കേരളസമാജം വൈറ്റ്ഫീല്ഡ് സോണിന്റെ ആഭിമുഖ്യത്തില് വൈദേഹി ആസ്പത്രിയുടെ സഹകരണ സൗജന്യ മെഡിക്കല് ക്യാമ്പ് സംഘടിപ്പിച്ചു. വൈറ്റ്ഫീല്ഡ് ചന്നസാന്ദ്ര ബൂമേഴ്സ് സ്കൂളില് നടന്ന ക്യാമ്പ് സ്കൂള് മാനേജര് നിര്മല ഗൗഡ ഉദ്ഘാടനം ചെയ്തു. സോണ് കണ്വീനര് ജയകുമാര് അധ്യക്ഷത വഹിച്ചു.
കേരളസമാജം ജനറല് സെക്രട്ടറി റജികുമാര്, ട്രഷറര് ജോര്ജ് തോമസ്, ജോയിന്റ് സെക്രട്ടറി അനില്കുമാര്, അസിസ്റ്റന്റ് സെക്രട്ടറി മുരളിധരന്, സോണ് ഫിനാന്സ് കണ്വീനര് റഫി കുര്യന്, വനിതാ വിഭാഗം ജോയിന്റ് കണ്വീനര് പ്രിയദര്ശിനി, സ്കൂള് പ്രിന്സിപ്പല് ജയദീപ്, ഡോ രവി കുമാര്, ഡോ നടരാജ്, ഡോ മേരി മാര്ട്ടിനോ, ശിവദാസ്, സുജിത് ഭാസ്കരന്, സജിത്ത്, പ്രദീപന്, സരസന്, ഷെമിന പ്രദീപ്, രമ്യ പവിത്രന് , സലി , പത്മനാഭന്, സുമി മുരുഗന് , അനു മോഹന്, ഷബിന രാജേഷ് എന്നിവര് സംബന്ധിച്ചു.
ജനറല് മെഡിസിന്, ശിശുരോഗ വിഭാഗം, ഗൈനക്കോളജി, നേത്ര -ദന്ത വിഭാഗം, എല്ല് രോഗ വിഭാഗം എന്നീ വിഭാഗങ്ങളുടെ സേവനങ്ങള് ലഭ്യമായിരുന്നു. ക്യാമ്പില് ഇരുന്നൂറോളം പേര് പങ്കെടുത്തു.
SUMMARY: Kerala Samajam organized a medical camp
