ബെംഗളൂരു: കര്ണാടക നായര് സര്വീസ് സൊസൈറ്റിയുടെ (കെഎന്എസ്എസ്) പുതിയ ഓഫിസ് മന്ദിരം 24ന് ശേഷാദ്രിപുരം ഫസ്റ്റ് മെയിന് റോഡിലെ ബ്രിഗേഡ് ലിങ്ക് ബില്ഡിങ്ങില് പ്രവര്ത്തനം ആരംഭിക്കും. രാവിലെ 10നു നടത്തുന്ന ചടങ്ങില് ചെയര്മാന് ആര്.മനോഹരക്കുറുപ്പ് ഉദ്ഘാടനം നിര്വഹിക്കും. ജനറല് സെക്രട്ടറി ടി.വി.നാരായണന്, ട്രഷറര് എന്.വിജയകുമാര്, ജോയിന്റ് സെക്രട്ടറി എസ്.ഹരീഷ്കുമാര് എന്നിവര് പങ്കെടുക്കും. ബോര്ഡ് ഭാരവാഹികള്, അംഗങ്ങള്, സഹോദര സംഘടന നേതാക്കള്, വിശിഷ്ട വ്യക്തികള്, കെഎന്എസ്എസിന്റെ 44 കരയോഗങ്ങള്, മഹിളാ വിഭാഗങ്ങള്, യുവജന വിഭാഗങ്ങളിലെ പ്രതിനിധികള് എന്നിവര് ചടങ്ങില് പങ്കെടുക്കും. വിവിധ മത്സര വിജയികള്ക്കുള്ള സമ്മാനങ്ങള് ചടങ്ങില് വിതരണം ചെയ്യും.
സംഘടനയുടെ 44-ാമത് വാര്ഷികത്തോടാനുബന്ധിച്ചാണ് പുതിയ കെട്ടിടത്തിലേക്ക് ഓഫീസ് മാറുന്നത്. ബോര്ഡ് യോഗങ്ങള്, കെഎന്എസ്എസ് ബെനവലന്റ് ഫണ്ട്, ആംബുലന്സ് സര്വീസ്, സാംസ്കാരിക വേദി, വിവാഹ വേദി, ഹെല്പ്ലൈന്, മാസം തോറും പ്രസിദ്ധീകരിക്കുന്ന ന്യൂസ് ബുള്ളറ്റിന് എന്നിവയുടെ പ്രവര്ത്തനങ്ങളും പുതിയ ഒഫീസിലായിരിക്കും നടക്കുകയെന്ന് ഭാരവാഹികള് അറിയിച്ചു.
SUMMARY: KNSS new office inauguration on the 24th
