തിരുവനന്തപുരം: കാര്യവട്ടം പേരൂരില്‍ ഥാറിനുള്ളില്‍ മദ്ധ്യവയസ്കനെ മരിച്ചനിലയില്‍ കണ്ടെത്തി. അണിയൂർ സ്വദേശി രാജീവാണ് മരിച്ചത്. ഇന്ന് വെെകിട്ടോടെയാണ് ഥാറിനുള്ളില്‍ മരിച്ചനിലയില്‍ രാജീവിനെ കണ്ടെത്തിയത്. ഥാർ പാർക്ക് ചെയ്തിരുന്ന മെെതാനത്തില്‍ കളിക്കാനെത്തിയ കുട്ടികളാണ് വാഹനത്തിനുള്ളില്‍ ഒരാള്‍ അബോധാവസ്ഥയില്‍ കിടക്കുന്നത് കണ്ടത്.
ഉടൻതന്നെ കുട്ടികള്‍ നാട്ടുകാരെ വിവരമറിയിച്ചു. നാട്ടുകാരാണ് പോലീസിനെ വിളിച്ച്‌ വിവരം പറഞ്ഞത്. പോലീസെത്തി ഥാറിന്റെ ചില്ല് തകർത്തുനോക്കിയപ്പോഴാണ് രാജീവിനെ മരിച്ചനിലയില്‍ കണ്ടത്. കുട്ടികള്‍ പറയുന്നതനുസരിച്ച്‌ ഇന്നലെ മുതല്‍ ഈ വാഹനം ഇവിടെ പാർക്ക് ചെയ്തിരുന്നു. ഇന്നലെ രാജീവ് കുട്ടികളോട് സംസാരിച്ചെന്നും അവ‌ർ പോലീസിനോട് പറഞ്ഞു. എസിയിട്ട് ഉറങ്ങിയതാകാം മരണത്തിന് കാരണമെന്നാണ് പോലീസ് സംശയിക്കുന്നത്. മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.
SUMMARY: Middle-aged man found dead inside Thar
