തൃശൂർ: നഗരത്തിലെ സ്വകാര്യ ലോഡ്ജില് യുവതിയെ പ്രസവത്തിനിടെ മരിച്ച നിലയില് കണ്ടെത്തി. തൃപ്രയാർ എടമുട്ടം സ്വദേശി ജ്യോതിയാണ് മരിച്ചത്. തൃശൂർ നഗരത്തിലെ വെളിയന്നൂരിലുള്ള നിയറെസ്റ് ലോഡ്ജില് ആണ് സംഭവം. 27നാണ് ജ്യോതി ഹോട്ടലില് മുറിയെടുത്തത്. ഇന്ന് മുറിയുടെ വാതില് തുറക്കാതെയതോടെ ഹോട്ടല് ജീവനക്കാർ പോലീസിനെ വിവരം അറിയിക്കുകയായിരുന്നു.
പോലീസ് എത്തി വാതില് ചവിട്ടി തുറന്നപ്പോഴാണ് പ്രസവത്തിനിടെ മരിച്ച നിലയില് യുവതിയെയും കുട്ടിയെയും കണ്ടെത്തിയത്. മുറിയെടുക്കുമ്പോള് കൂടെ പാവറട്ടി സ്വദേശിയായ ഓട്ടോറിക്ഷ ഡ്രൈവറും ഉണ്ടായിരുന്നു. ഓട്ടോറിക്ഷ ഡ്രൈവറെ ഈസ്റ്റ് പോലീസ് കസ്റ്റഡിയിലെടുത്തു. യുവതിയെ മുൻ പരിചയമുണ്ടെന്ന് ഓട്ടോ ഡ്രൈവർ മൊഴി നല്കിയിട്ടുണ്ട്. മുറിയെടുക്കാൻ സഹായിച്ചിരുന്നു. ഫോണില് വിളിച്ചിട്ട് ഇന്ന് കിട്ടിയില്ല. കഴിഞ്ഞ ദിവസം വയറുവേദനയാണെന്ന് പറഞ്ഞപ്പോള് മരുന്ന് വാങ്ങിനല്കിയിരുന്നു. തനിക്ക് മറ്റൊന്നും അറിയില്ലെന്നും ഡ്രൈവർ പോലീസിനോട് പറഞ്ഞു.
SUMMARY: Woman found dead during childbirth at private lodge in Thrissur
