ബെംഗളൂരു: മുഖ്യമന്ത്രിയായി അധികാരമേറ്റ് ഒരു മാസം തികഞ്ഞതിന് പിന്നലെ മുന്മുഖ്യമന്ത്രി സിദ്ധരാമയ്യയെ കുടുംബസമേതം സന്ദർശിച്ച് മുഖ്യമന്ത്രി ഡി.കെ.ശിവകുമാർ. ഭാര്യ ഉഷയ്ക്കും സഹോദരനും മുൻ എംപിയുമായ ഡി.കെ.സുരേഷിനും ഒപ്പമായിരുന്നു ശിവകുമാർ മുൻ മുഖ്യമന്ത്രി സിദ്ധരാമയ്യയുടെ വസതിയിലെത്തിയത്. ശിവകുമാർ തന്നെയാണ് ഇക്കാര്യം എക്സിൽ പങ്കുവച്ചത്.
ಕರ್ನಾಟಕದ ಮುಖ್ಯಮಂತ್ರಿಯಾಗಿ ಒಂದು ತಿಂಗಳ ಸೇವೆಯನ್ನು ಪೂರ್ಣಗೊಳಿಸಿದ ಅಂಗವಾಗಿ ಇಂದು ಕುಟುಂಬದೊಂದಿಗೆ ಮಾನ್ಯ ಶ್ರೀ ಸಿದ್ದರಾಮಯ್ಯ ಅವರನ್ನು, ಅವರ ಅಧಿಕೃತ ನಿವಾಸ ಕಾವೇರಿಯಲ್ಲಿ ಭೇಟಿ ಮಾಡಿ ಆಶೀರ್ವಾದವನ್ನು ಪಡೆದುಕೊಳ್ಳಲಾಯಿತು.
ಶ್ರೀ ಸಿದ್ದರಾಮಯ್ಯನವರ ದೂರದೃಷ್ಟಿಯ ನಾಯಕತ್ವ, ಅಪಾರ ಆಡಳಿತ ಅನುಭವ ಹಾಗೂ ನಾಡಿನ ಜನರ ಅಭಿವೃದ್ಧಿಯತ್ತ ಅವರ… pic.twitter.com/1rKlgLSm1u
— DK Shivakumar (@DKShivakumar) July 3, 2026
സിദ്ധരാമയ്യയുടെ നേതൃത്വവും അനുഭവ സമ്പത്തും ജനങ്ങളോടുള്ള പ്രതിബദ്ധതയും സംസ്ഥാനത്തിന്റെ വികസനത്തെ ശക്തിപ്പെടുത്തി. അദ്ദേഹത്തിന്റെ മാർഗനിർദേശങ്ങളും അനുഗ്രഹവും താൻ അങ്ങേയറ്റം വിലമതിക്കുന്നുണ്ടെന്നും സിദ്ധരാമയ്യയുടെ ദീർഘവീക്ഷണമുള്ള നേതൃത്വ, ഭരണപരിചയം, സംസ്ഥാനത്തെ ജനങ്ങളുടെ വികസനത്തോടുള്ള അചഞ്ചലമായ പ്രതിബദ്ധത എന്നിവ നമ്മുടെ സംസ്ഥാനത്തിന്റെ പുരോഗതിയിലേക്കുള്ള യാത്രയ്ക്ക് എപ്പോഴും ശക്തി പകരുമെന്നും ശിവകുമാർ കുറിച്ചു. സംസ്ഥാനത്തിന്റെ സമഗ്ര വികസനം, പൊതുജനക്ഷേമം, സുരക്ഷിതമായ ഭാവി എന്നിവ കെട്ടിപ്പടുക്കുന്നതിൽ അദ്ദേഹത്തിന്റെ മാർഗനിർദേശങ്ങളും അനുഗ്രഹങ്ങളും എപ്പോഴും പ്രചോദനമാണെന്നും അദ്ദേഹം പറഞ്ഞു.
ശിവകുമാറിനൊപ്പം പ്രാതൽ കഴിച്ചതായും ഒട്ടേറെക്കാര്യങ്ങൾ ചർച്ച ചെയ്തതായും സിദ്ധരാമയ്യയും കുറിച്ചു. ജൂൺ 3ന് 13 മന്ത്രിമാർക്കൊപ്പമാണ് ശിവകുമാർ സത്യപ്രതിജ്ഞ ചെയ്ത് അധികാരമേറ്റത്.
SUMMARY: Chief Minister D.K. Shivakumar visits Siddaramaiah with his family
