ബെംഗളൂരു: മയക്കുമരുന്നിനെതിരെ ബെംഗളൂരു ആസ്ഥാനമായി രൂപീകരിച്ച ആന്റിഡോട്ട് ഫൗണ്ടേഷൻ ഓഫ് ഇന്ത്യയുടെ (അഫോയി) ഔദ്യോഗിക ഉദ്ഘാടനം 25ന് ജാലഹള്ളി സെന്റ് ക്ലാരറ്റ് കോളജ് ഓഡിറ്റോറിയത്തിൽ കേരള മുഖ്യമന്ത്രി വി.ഡി.സതീശൻ നിർവഹിക്കും. ലഹരിക്കെതിരെയുള്ള പ്രതിരോധ പ്രവർത്തനങ്ങൾ, പുനരധിവാസം, കൗൺസലിങ്, സെമിനാറുകൾ, ക്യാംപുകൾ എന്നിവയാണ് ഫൗണ്ടേഷൻ ലക്ഷ്യമിടുന്നത്.
സംഘടനയുടെ പ്രവർത്തനങ്ങൾ സംബന്ധിച്ച് കഴിഞ്ഞ ദിവസം വി.ഡി.സതീശനുമായി തിരുവനന്തപുരത്ത് ചർച്ച നടത്തിയതായി ചെയർമാൻ പി.എ.ഐസക്, ട്രഷറർ ജോജു വർഗീസ്, കൺവീനർ സുമോജ് മാത്യു എന്നിവർ അറിയിച്ചു. ഉദ്ഘാടനത്തിന് മുന്നോടിയായുള്ള മലയാളി സംഘടനകളുടെ പൊതുയോഗം നാളെ വൈകിട്ട് 3.30നു ശിവാജിനഗർ ഇംപീരയൽ ഹോട്ടലിൽ നടക്കും. പ്രവർത്തനങ്ങളിൽ പങ്കാളികളാകാൻ താൽപര്യമുള്ളവരും നഗരത്തിലെ സംഘടനാ പ്രതിനിധികളും യോഗത്തിൽ പങ്കെടുക്കണമെന്ന് പ്രസിഡന്റ് ബിനു ദിവാകരൻ, സെക്രട്ടറി അഡ്വ. ബുഷ്റ വളപ്പിൽ എന്നിവർ അറിയിച്ചു. ഫോൺ: 9148820193, 7777927742.
