ബെംഗളൂരു: കര്ണാടക മൈനോരിറ്റി കള്ച്ചറല് സെന്ററിന്റെ ഒന്നാം വാര്ഷികം വിപുലമായ പരിപാടികളോടെ ആഘോഷിക്കാന് തീരുമാനിച്ചതായി ഭാരവാഹികള് വാര്ത്താ കുറിപ്പില് അറിയിച്ചു. സമൂഹത്തിലെ ന്യൂനപക്ഷ വിഭാഗങ്ങളുടെ സാമൂഹിക, സാംസ്കാരിക, വിദ്യാഭ്യാസ മുന്നേറ്റം ലക്ഷ്യമിട്ടാണ് സൗഹൃദ കൂട്ടായ്മ ബെംഗളൂരുവില് പ്രവര്ത്തിക്കുന്നത്. കഴിഞ്ഞ ഒരു വര്ഷത്തെ വിവിധ പ്രവര്ത്തനങ്ങള്വിലയിരുത്തുന്നതിനോടൊപ്പം ഭാവി പദ്ധതികള്ക്കും ഒന്നാം വാര്ഷികത്തില് തുടക്കം കുറിക്കും.
വിദ്യാഭ്യാസ മേഖലയില് പുതിയ പദ്ധതികള് നടപ്പാക്കും. പിന്നോക്ക വിദ്യാര്ഥികള്ക്ക് സ്കോളര്ഷിപ്പ്, കരിയര് കൗണ്സിലിംഗ്, മെന്ററിംഗ് പ്രോഗ്രാമുകള് എന്നിവയ്ക്ക് പ്രഥമ പരിഗണന നല്കും. കൂടാതെ ചാരിറ്റി പ്രവര്ത്തനങ്ങളില് കൂടുതല് ശ്രദ്ധ കേന്ദ്രീകരിക്കും. അര്ഹരായവര്ക്ക് അടിയന്തിരസഹായങ്ങള്, മെഡിക്കല് ഹെല്പ് ഡെസ്ക്, കമ്മ്യൂണിറ്റി ഗൈഡന്സ് സെന്റര് തുടങ്ങിയ പദ്ധതികളാണ്, മുന്ഗണനയിലുള്ളത്. സമൂഹത്തില് സാഹോദര്യവും ഐക്യവും ശക്തിപ്പെടുത്തുന്നതിന്റെ ഭാഗമായി സാംസ്കാരിക സംഗമങ്ങളും കലാപരിപാടികളും സംഘടിപ്പിക്കുമെന്നും ഭാരവാഹികള് അറിയിച്ചു. ഒന്നാം വാര്ഷിക പരിപാടിയില് സാമൂഹിക, രാഷ്ട്രീയ, മത രംഗത്തെ പ്രമുഖ വ്യക്തിത്വങ്ങള്സംബന്ധിക്കും.
മൈനോറിറ്റി കള്ച്ചറല് സെന്റര് പ്രസിഡന്റ് ഈസ നീലസാന്ദ്രയുടെ അദ്ധ്യക്ഷതയില് ചേര്ന്ന യോഗത്തില്,ട്രഷറര് ശംസുദ്ധീന് അനുഗ്രഹ , സിറാജ് കൊല്ലത്തി, താഹിര് മിസ്ബാഹി ബി ടി എം, ഷാജല് സി എച്ച് തുടങ്ങിയവര് സംസാരിച്ചു.
