ബെംഗളൂരു: ബാംഗ്ലൂര്‍ കേരളസമാജം കെ ആര്‍ പുരം സോണിന്റെ ആഭിമുഖ്യത്തില്‍ മിടുക്കരായ 10 വിദ്യര്‍ഥികള്‍ക്ക് സൗജന്യമായി ലാപ്‌ടോപ്പുകള്‍ വിതരണം ചെയ്തു. കേരളസമാജം പ്രസിഡന്റ് ഹനീഫ്. എം ലാപ്‌ടോപ്പ്കളുടെ വിതരണോദ്ഘാടനം നിര്‍വഹിച്ചു. സോണ്‍ ചെയര്‍മാന്‍ ഷിബു കെ.എസ് അധ്യക്ഷത വഹിച്ചു. ചടങ്ങില്‍ കേരള സമാജം ജന. സെക്രട്ടറി റെജികുമാര്‍, ജോയിന്റ് സെക്രട്ടറി അനില്‍ കുമാര്‍ ഒ കെ, അസിസ്റ്റന്റ് സെക്രട്ടറി വി മുരളിധരന്‍, കെ എന്‍. ഇ ട്രസ്റ്റ് സെക്രട്ടറി പി വി എന്‍ ബാലകൃഷ്ണന്‍, സാമൂഹിക പ്രവര്‍ത്തകന്‍, ഡി.കെ മോഹന്‍ബാബു, ലാപ്‌ടോപ്പുകള്‍ സ്‌പോണ്‍സര്‍ ചെയ്ത അവാന്‍സ് ടെക്‌നോളജിസ് ഇന്ത്യയുടെ ചീഫ് ഓപ്പറേറ്റിങ് ഓഫീസര്‍ വിനോദ് ജോസഫ് കൈനിക്കാട്ട്, ചീഫ് ഓപ്പറേഷന്‍ ഓഫീസര്‍ രാമു രാധാകൃഷ്ണന്‍, മുന്‍ സോണ്‍ ചെയര്‍മാന്‍ പി. ദിവാകരന്‍ , സോണ്‍ കണ്‍വീനര്‍ ബിനു പി, ഫിനാന്‍സ് കണ്‍വീനര്‍ ശിവദാസ് പി.കെ, രജിത്കുമാര്‍ കെ.പി, ടെഗിജോസഫ്, എന്നിവര്‍ സംസാരിച്ചു.
കെ എന്‍ ഇ ട്രസ്റ്റിലേക്ക് പുതുതായി തിരഞ്ഞെടുക്കപ്പെട്ട ട്രസ്റ്റിമാരെ ചടങ്ങില്‍ ആദരിച്ചു. സോണ്‍ വൈസ് ചെയര്‍മാന്‍ പദ്മകുമാര്‍, ജോയിന്റ്കണ്‍വീനര്‍ മാരായ വിനീത്.യു, ഷൈബികോശി, ഷൈജന്‍തോമസ്, വനിതാവിഭാഗം കണ്‍വീനര്‍ രഞ്ജിതശിവദാസ്, യുവജനവിഭാഗം അധ്യക്ഷന്‍ സിദ്ധാര്‍ഥ്. എസ്സ്, ബാലവിഭാഗം ചെയര്‍പേഴ്‌സണ്‍ ഭാഗ്യലക്ഷ്മി.ബി, എല്ലാ വിഭാഗങ്ങളിലേയും പ്രവര്‍ത്തകസമതി അംഗങ്ങളും പങ്കെടുത്തു. രണ്ട് മാസം മുന്‍പ് വയനാട്ടിലെ മുണ്ടക്കൈ -ചൂരല്‍ മല ദുരന്തത്തില്‍ പെട്ട 10 വിദ്യാര്‍ഥികള്‍ക്ക് ലാപ്‌ടോപുകള്‍ വിതരണം ചെയ്തിരുന്നു.
SUMMARY: Kerala Samajam distributed laptops
