ബെംഗളൂരു: സുവർണ കർണാടക കേരളസമാജം ആവലഹള്ളി സോണ് ഓണാഘോഷം മഹാദേവപുര എംഎൽഎ മഞ്ജുള അവരവിന്ദ് ലിംബാവലി ഉദ്ഘാടനം ചെയ്തു. സമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്ക് വിദ്യാഭ്യാസ സഹായം നൽകുന്ന പദ്ധതിയായ സുവർണ്ണ വിദ്യാജ്യോതിയുടെ ഉദ്ഘാടനം വിനോദ് ടി. പി. നിർവഹിച്ചു.
ശാഖ ചെയർപേഴ്സൺ ഷീബ ഷാജി അധ്യക്ഷത വഹിച്ചു. ബബിത കൺവേയൻസ് ആൻ്റ് സൊലൂഷൻസ് പ്രൈവറ്റ് ലിമിറ്റഡ് എംഡി രാജൻ ജേക്കബ്, ദർഷ അക്കാദമി പിയു കോളേജ് ഡയറക്റ്റേഴ്സ് ആയ ടോം വർഗ്ഗീസ്, ലീന വർഗ്ഗീസ് എന്നിവർ പങ്കെടുത്ത ചടങ്ങിന് എസ്കെകെഎസ് സംസ്ഥാന പ്രസിഡൻ്റ് എ. ആർ. രാജേന്ദ്രൻ, ജനറൽ സെക്രട്ടറി കെ. പി. ശശിധരൻ, ജില്ലാ പ്രസിഡൻ്റ് സന്തോഷ് തൈക്കാട്ടിൽ, ജില്ലാ സെക്രട്ടറി മഞ്ജുനാഥ് കെ. എസ് എന്നിവർ സംസാരിച്ചു.
ശാഖ വൈസ് ചെയർമാൻമാരായ സജീഷ് കുമാർ, സിൽബി ആൻറണി,
ജോയിൻ്റ് കൺവീനർമാരായ ഹരിദാസൻ, സന്തോഷ് കുമാർ, സംസ്ഥാന കമ്മിറ്റി അംഗങ്ങളായ ഷാജി വി കെ, മുരളി എം എന്നിവർ നേതൃത്വം നൽകി. വൈസ് പ്രസിഡണ്ട് സിൽബി ആൻ്റണി സ്വാഗതവും ഫൈനാൻസ് കൺവീനർ ആൻസൺ കെ. എ. നന്ദിയും പറഞ്ഞു. സമാജം കുടുംബാംഗങ്ങളുടെ കലാപരിപാടികൾ, സമ്മാനദാനം, ലക്കി ഡ്രോ എന്നിവ അരങ്ങേറി.
SUMMARY: SKKS Avalahalli Zone organized Onam celebrations
