തിരുവനന്തപുരം: സംസ്ഥാനത്ത് ഇന്നും വൈദ്യുതി നിയന്ത്രണം. വൈദ്യുതി ലഭ്യതയില്‍ അപ്രതീക്ഷിത കുറവ് ഉണ്ടായെന്ന് കെഎസ്‌ഇബി അറിയിച്ചു. വൈകിട്ട് ആറു മുതല്‍ 12 മണി വരെയാണ് നിയന്ത്രണത്തിന് സാധ്യത. അന്തരീക്ഷ താപനില ഉയർന്നതിനെ തുടർന്ന് വൈദ്യുതി ഉപയോഗം അപ്രതീക്ഷിതമായി വർധിച്ചു. കേന്ദ്ര നിലയങ്ങളില്‍ നിന്നും പവർ എക്സ്ചേഞ്ചുകളില്‍ നിന്നുമുള്ള വൈദ്യുതി ലഭ്യതയില്‍ കുറവുണ്ടായി.
രാജ്യത്താകമാനം വൈദ്യുതി ആവശ്യകത ഉയർന്നു നില്‍ക്കുന്നതും പ്രതിസന്ധിക്ക് കാരണമാണ്. തത്സമയ വൈദ്യുതി ലഭ്യതയ്ക്ക് അനുസരിച്ചായിരിക്കും നിയന്ത്രണങ്ങള്‍ നടപ്പിലാക്കുകയെന്നും കെഎസ്‌ഇബി അറിയിച്ചു.
SUMMARY: Power restrictions in the state today as well
