ബെംഗളൂരു: ഒരുമയുടെയും സ്നേഹത്തിന്റെയും മഹത്തായ സന്ദേശം നല്കുന്ന ആഘോഷമാണ് ഓണമെന്ന് വി എസ് ജോയ് എംഎല്എ. ബാംഗ്ലൂര് കേരള സമാജം കെ ആര്. പുരം സോണ് സംഘടിപ്പിച്ച പൊന്നോണ സംഗമം 2026, കഗ്ഗദാസപുര വിജയ കിരണ് കണ്വെന്ഷന് ഹാളില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സോണ് ചെയര്മാന് ഷിബു കെ എസ് അധ്യക്ഷത വഹിച്ചു.ബൈരതി ബസവരാജ് എം.എല്.എ മുഖ്യാതിഥിയായിരുന്നു. ഐവാന് നിഗ്ലി എക്സ് എം എല് എ, കസ്റ്റംസ് കമ്മീഷണര് ഗോപകുമാര് ഐ ആര് എസ്, അറ്റോസ് ഇന്ത്യ സി ഇ ഓ അജിത് എന് സി , അവന്സ് ടെക്നോളജി സി ഓ ഓ വിനോദ് ജോസഫ്, ശ്രീ ലക്ഷ്മി ഹോസ്പിറ്റല് എം ഡി ഡോ സാംബശിവ എന് സി,കേരള സമാജം പ്രസിഡന്റ് ഹനീഫ് എം, ജനറല് സെക്രട്ടറി റജി കുമാര്, ട്രഷറര് ജോര്ജ് തോമസ്, കെ എന് ഇ ട്രസ്റ്റ് പ്രസിഡന്റ് സി ഗോപിനാഥ് , സെക്രട്ടറി പി വി എന് ബാലകൃഷ്ണന്, ട്രഷറര് സയ്യിദ് മസ്താന്, സോണ് കണ്വീനര് ബിനു പി, ആഘോഷ കമ്മറ്റി കണ്വീനര് രജിത് കുമാര് കെ പി, സോണ് വൈസ് ചെയര്മാന് ടെജി ജോസഫ്, വനിതാ വിഭാഗം ചെയര്പേഴ്സണ് ഐഷ ഹനീഫ്, യൂത്ത് വിംഗ് കണ്വീനര് ഗൗരി അനില്, ബാല വിഭാഗം ചെയര്പേഴ്സണ് ഭാഗ്യലക്ഷ്മി എന്നിവര് സംബന്ധിച്ചു.
സോണ് കുടുംബാംഗങ്ങളുടെ കലാ പരിപാടികള്, ലഹരിക്കെതിരെയുള്ള സ്കിറ്റ്, ഓണസദ്യ, ചെണ്ട മേളം, കണ്ണൂര് ഷെരീഫും അഖില ആനന്ദ് ടീമും അവതരിപ്പിച്ച ഗാനമേള എന്നിവ നടന്നു.
SUMMARY: Bangalore Kerala Samajam KR. Ponnona Sangam organized by Puram Zone
