ബെംഗളൂരു: കേരളസമാജം ഈസ്റ്റ് സോണ്‍ ഓണാഘോഷം ഓണക്കാഴ്ചകള്‍ ഹെന്നൂര്‍ നവജീവന്‍ കണ്‍വെന്‍ഷന്‍ സെന്ററില്‍ വച്ച് നടന്നു. സിനിമ താരം സാന്ദ്ര തോമസ് ആഘോഷങ്ങള്‍ ഉദ്ഘാടനം ചെയ്തു. സോണ്‍ ചെയര്‍മാന്‍ സജി പുലിക്കോട്ടില്‍ അധ്യക്ഷത വഹിച്ചു.
പി സി മോഹന്‍ എംപി , ബി എ ബസവരാജ് എം എല്‍ എ, കേരള സമാജം പ്രസിഡന്റ് ഹനീഫ്, ജനറല്‍ സെക്രട്ടറി റെജികുമാര്‍, ട്രഷറര്‍ ജോര്‍ജ് തോമസ്, നന്ദിഷ റെഡ്ഡി എക്‌സ് എം എല്‍ എ, കേബ്രിഡ്ജ് ഗ്രൂപ്പ് ചെയര്‍മാന്‍ ഡി കെ മോഹന്‍ ബാബു, ഫ്‌ലൂക് ഇന്ത്യ മാനേജിങ് ഡയരക്ടര്‍ ജെയ്‌സണ്‍ ഐസക്, റിതി ഗ്രൂപ്പ് സി ഇ ഓ ബാലു, ഇന്ദിരാ ഗാന്ധി ഗ്രൂപ്പ് ഓഫ് ഇന്‍സ്റ്റിറ്റിയൂഷന്‍സ് മാനേജിങ് ഡയരക്ടര്‍ പ്രസാദ് പി വി, എബനസര്‍ കണ്‍സ്ട്രക്ഷന്‍സ് മാനേജിങ് ഡയരക്ടര്‍ സ്റ്റീഫന്‍ വര്‍ഗീസ്, സിനിമാ താരം ക്വിന്‍ വിപിന്‍, കെ എന്‍ ഇ ട്രസ്റ്റ് പ്രസിഡന്റ് സി ഗോപിനാഥന്‍, സെക്രട്ടറി ബാലകൃഷ്ണന്‍ പി വി എന്‍, സോണ്‍ കണ്‍വീനര്‍ രാജീവന്‍ കെ എന്‍, ആഘോഷക്കമ്മറ്റി കണ്‍വീനര്‍ സുമോജ് മാത്യു, വനിതാ വിഭാഗം ചെയര്‍പേര്‍സണ്‍ അനു അനില്‍ തുടങ്ങിയവര്‍ സംബന്ധിച്ചു.
ചടങ്ങില്‍ ഓണം സുവനീര്‍ പ്രകാശനം ചെയ്തു.
സമാജം അംഗങ്ങളുടെ കലാപരിപാടികള്‍, ഓണസദ്യ, പുലികളി, ചെണ്ടമേളം, ആലപ്പുഴ ബ്ലൂ ഡയമണ്ട്‌സ് അവതരിപ്പിച്ച ഗാനമേള എന്നിവയും നടന്നു.
