തിരുവനന്തപുരം: ട്രെയിനുകളിലെ രാത്രി മൊബൈല്‍ ചാർജിങ്ങിന് കടുത്ത നിയന്ത്രണവുമായി റെയില്‍വേ. രാത്രി 11 മണി മുതല്‍ പുലർച്ചെ 5 മണി വരെ കോച്ചുകളിലെ ചാർജിങ് പോയിന്റുകളിലേക്കുള്ള വൈദ്യുതി വിതരണം വിച്ഛേദിക്കാൻ എല്ലാ സോണുകള്‍ക്കും നിർദേശം നല്‍കി. ചാർജിങ് പോയിന്റുകള്‍ പ്രവർത്തിക്കുന്നില്ലെന്ന് ഉറപ്പാക്കാൻ മിന്നല്‍ പരിശോധന നടത്താനും നിർദേശം നല്‍കി.
നിയമം നടപ്പിലാക്കാത്ത ട്രെയിനുകളിലെ ജീവനക്കാർക്കെതിരെ കർശന നടപടിയുണ്ടാകും. 2014 ല്‍ റെയില്‍വേ ബോർഡ് കൊണ്ടുവന്ന നിയമമാണ് കർശനമായി പാലിക്കാൻ സോണുകള്‍ക്ക് കത്ത് നല്‍കിയത്. കഴിഞ്ഞ വെള്ളിയാഴ്ച മുംബൈ – ഹൗറ മെയിലില്‍ വച്ചുണ്ടായ അപകടത്തിന്റെ പശ്ചാത്തലത്തിലാണ് നിയന്ത്രണം.
ഒഡീഷയില്‍ വച്ച്‌ എസി കോച്ചില്‍ പവർബാങ്ക് പൊട്ടിത്തെറിച്ചായിരുന്നു അപകടം. യാത്രക്കാർ പരുക്കേല്‍ക്കാതെ രക്ഷപ്പെട്ടെങ്കിലും ജീവനക്കാർക്ക് വീഴ്ചയുണ്ടായതായി റെയില്‍വെ വിലയിരുത്തി.
SUMMARY: Railways impose strict restrictions on mobile charging in trains at night
