ബെംഗളൂരു: കേരളപ്പിറവി, കർണാടക രാജ്യോത്സവം സമുചിതാമായി ആഘോഷിച്ച് ബെംഗളൂരുവിലെ മലയാളികൾ. മലയാളി സംഘടനകൾക്കു പുറമേ വിവിധ അപ്പാർട്മെന്റ് അസോസിയേഷനുകളും രാജ്യോത്സവ, കേരളപ്പിറവി ആഘോഷങ്ങൾ വിപുലമായി സംഘടിപ്പിച്ചു. പലയിടങ്ങളിലും മധുരപലഹാര വിതരണവുണ്ടായിരുന്നു.
കേരള സമാജം ബാംഗ്ലൂർ നോർത്ത് വെസ്റ്റ്: കേരള സമാജം ബാംഗ്ലൂർ നോർത്ത് വെസ്റ്റ് സംഘടിപ്പിച്ച ആഘോഷത്തിൽ വൈസ് പ്രസിഡന്റ് മാത്തുക്കുട്ടി ചെറിയാൻ കർണാടക സംസ്ഥാന പതാക ഉയർത്തി. സെക്രട്ടറി അജിത്ത് കുമാർ നായർ, ജോയിന്റ് സെക്രട്ടറിമാരായ സി.പി.മുരളി, വിശ്വനാഥൻ പിള്ള, പ്രവർത്തക സമിതി അംഗങ്ങളായ രാമചന്ദ്രൻ, ആർ. ബാലൻ, ഗോപിനാഥൻ നായർ, കെ.പി.അശോകൻ, കെ. ശശി, വിശ്വംഭരൻ, വി.കെ.വിജയൻ, ഉണ്ണിക്കൃഷ്ണപിള്ള, തോമസ് ഏബ്രഹാം, ഗോപകുമാർ എന്നിവർ പങ്കെടുത്തു. ചടങ്ങിനു ശേഷം മധുരപലഹാരങ്ങൾ വിതരണം ചെയ്തു.
എഐകെഎംസിസി: എഐകെഎംസിസി – എസ്ടിസിഎച്ച് ബെംഗളൂരു കമ്മിറ്റിയുടെ നേതൃത്വത്തിൽ കാൽനടയാത്ര ‘സ്നേഹസഞ്ചാരം’ സംഘടിപ്പിച്ചു. കർണാടകയോടുള്ള ആദരവും മതസൗഹാർദവും സാഹോദര്യവും വിളംബരം ചെയ്തു സംഘടിപ്പിച്ച കാൽനടയാത്ര രാവിലെ 7 മണിക്ക് കബൺ പാർക്കിൽ നിന്ന് ആരംഭിച്ച് 9-ന് ശിഹാബ് തങ്ങൾ സെന്ററിൽ സമാപിച്ചു. എഐകെഎംസിസി ബെംഗളൂരു പ്രസിഡന്റ് ടി.ഉസ്മാൻ കർണാടകയുടെ പതാക ഉയർത്തി. ജനറൽ സെക്രട്ടറി എം.കെ.നൗഷാദ് പ്രസംഗിച്ചു.
എം.എം.എ. ക്രസന്റ് ഇൻസ്റ്റിറ്റ്യൂഷൻ: മലബാർ മുസ്ലിം അസോസിയേഷൻ (എം.എം.എ.) സെക്രട്ടറി പി.എം. അബ്ദുൽ ലത്തീഫ് ഹാജി ഉദ്ഘാടനം ചെയ്തു. ചടങ്ങിൽ പ്രിൻസിപ്പൽ മുജാഹിദ് മുസ്തഫ ഖാൻ അധ്യക്ഷനായി. പി.എം. മുഹമ്മദ് മൗലവി, അഫ്സർ പാഷ, അഷ്റഫ്, രാജവേലു, എൻ. ശ്വേത, റീത്ത ഫ്രാൻസിസ് എന്നിവർ പ്രസംഗിച്ചു.
തൊദൽനുടി: തൊദൽനുടി കുട്ടികളുടെ സാഹിത്യ മാസികയുടെ ആഭിമുഖ്യത്തിൽ 13-ാമത് കന്നഡ രാജ്യോത്സവത്തോടനുബന്ധിച്ച് സംഘടിപ്പിച്ച സംസ്ഥാനതല കന്നഡ കവിതാപാരായണ മത്സരത്തിന്റെ ഫൈനൽ റൗണ്ട് വൈറ്റ്ഫീൽഡിലെ ശ്രീ സരസ്വതി എജ്യുക്കേഷൻ ട്രസ്റ്റിൽ വിജയകരമായി നടന്നു. അഞ്ച് വിഭാഗങ്ങളിലായി നടന്ന മത്സരത്തിന്റെ ഫൈനൽ റൗണ്ടിൽ തിരഞ്ഞെടുക്കപ്പെട്ട 20 മത്സരാർത്ഥികൾ പങ്കെടുത്തു. ഡോ. സുഷമ ശങ്കർ അധ്യക്ഷത വഹിച്ച പരിപാടി കന്നഡ ചലച്ചിത്ര നടൻ എം. എസ്. സുരേഷ് ഉദ്ഘാടനം ചെയ്തു. എ. ബി. ബസവരാജ്, ശ്രീ ആർ. ശ്രീനിവാസ് എന്നിവർ മുഖ്യാതിഥികളായി പങ്കെടുത്തു. പ്രൊഫ. രാകേഷ് സ്വാഗതം ആശംസിച്ചു. റെബിൻ രവീന്ദ്രൻ പരിപാടിയുടെ ഏകോപനം നിർവഹിച്ചു. വിജയികൾക്ക് സമ്മാനങ്ങളും മത്സരത്തിൽ പങ്കെടുത്ത എല്ലാവർക്കും സർട്ടിഫിക്കറ്റുകളും പ്രോത്സാഹന സമ്മാനങ്ങളും വിതരണം ചെയ്തു.
