ബെംഗളൂരു: ബെംഗളൂരുവിൽ വീടുതോറുമുള്ള മാലിന്യ ശേഖരണത്തിന് പ്രത്യേക ഫീസ് ഏർപ്പെടുത്തുമെന്ന് ബിബിഎംപി. ഖരമാലിന്യ ശേഖരണത്തിനാണ് ഫീസ് ഏർപ്പെടുത്തുക. ഫീസ് ഈടാക്കാനുള്ള നിർദ്ദേശം സർക്കാരിന് സമർപ്പിച്ചതായി ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു. സർക്കാർ നിർദ്ദേശം അംഗീകരിച്ചാൽ ഫീസ് ശേഖരിക്കാൻ ആരംഭിക്കുമെന്ന് അദ്ദേഹം പറഞ്ഞു.
ബെംഗളൂരു സോളിഡ് വേസ്റ്റ് മാനേജ്‌മെൻ്റ് ലിമിറ്റഡാണ് നഗരത്തിലെ ഖരമാലിന്യ സംസ്‌കരണം പൂർണമായും കൈകാര്യം ചെയ്യുന്നത്. 2021-ൽ സ്ഥാപിതമായ കമ്പനി, നഗരത്തിലെ ഖരമാലിന്യങ്ങൾ ശേഖരിക്കുന്നതിനും കൊണ്ടുപോകുന്നതിനും നീക്കം ചെയ്യുന്നതിനും ഉപയോക്തൃ ഫീസ് ഈടാക്കാൻ സർക്കാരിന് നിർദ്ദേശം അയച്ചിരുന്നു.
ഇത് പ്രകാരം ഒരു വീട്ടിൽ നിന്ന് 100 രൂപയും വാണിജ്യ കെട്ടിട ഉടമകളിൽ നിന്ന് 500 രൂപയും പ്രതിമാസം ഈടാക്കും. ബിബിഎംപിയുടെ നിർദേശം അംഗീകരിക്കാൻ മുഖ്യമന്ത്രി സിദ്ധരാമയ്യയോട് ആവശ്യപ്പെടുമെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു.
TAGS: BBMP| BENGALURU UPDATES| DK SHIVAKUMAR
SUMMARY: bbmp to impose fees for waste collection
