ബെംഗളൂരു: കലബുർഗി വിമാനത്താവളത്തിന് നേരെ ബോംബ് ഭീഷണി. വിമാനത്താവളത്തിൻ്റെ ഔദ്യോഗിക ഇമെയിലിലേക്ക് തിങ്കളാഴ്ചയാണ് ബോംബ് ഭീഷണി ലഭിച്ചത്. ശക്തമായ ബോംബ് സ്‌ഫോടനം നടക്കുമെന്നും വിമാനത്താവളം മുഴുവൻ തകർക്കുമെന്നുമായിരുന്നു ഭീഷണി സന്ദേശമെന്ന് അധികൃതർ അറിയിച്ചു. ഭീഷണി സന്ദേശം ലഭിച്ചയുടൻ ഡോഗ് സ്ക്വാഡ്, ബോംബ് സ്ക്വാഡ്, പോലീസ് എന്നിവർ സംയുക്തമായി തിരച്ചിൽ നടത്തി.
വിമാനത്താവളത്തിലെത്തുന്ന യാത്രക്കാരെയും ബാഗേജുകളും ഉദ്യോഗസ്ഥർ പരിശോധനയ്ക്ക് വിധേയമാക്കി. സംഭവ സമയത്ത് റവന്യൂ മന്ത്രി കൃഷ്‌ണ ബൈരെ ഗൗഡയും വിമാനത്താവളത്തിൽ ഉണ്ടായിരുന്നു. എന്നാൽ പരിശോധനയിൽ ബോംബ് കണ്ടെത്താനായില്ല. ഇതോടെ ഭീഷണി വ്യാജമാണെന്ന് പോലീസ് സ്ഥിരീകരിച്ചു. സംഭവത്തെ തുടർന്ന് കടുത്ത ജാഗ്രതയിലാണ് വിമാനത്താവളത്തിനകത്തേക്ക് യാത്രക്കാരെ കടത്തി വിടുന്നത്.
TAGS: KARNATAKA| KALABURGI AIRPORT
SUMMARY: Bomb threat recieved in kalaburgi airport
