ദീപാവലി; ബെംഗളൂരു-കലബുർഗി റൂട്ടില്‍ സ്പെഷ്യല്‍ ട്രെയിൻ അനുവദിച്ചു

ബെംഗളൂരു: ദീപാവലി പ്രമാണിച്ച് ബെംഗളൂരുവിനും കലബുർഗിക്കുമിടയിൽ സ്പെഷ്യല്‍ ട്രെയിൻ സർവീസ് അനുവദിച്ച് സൗത്ത് വെസ്റ്റേൺ റെയിൽവേ (എസ്ഡബ്ല്യുആർ). യാത്രക്കാരുടെ അധിക തിരക്ക് കണക്കിലെടുത്താണ് തീരുമാനമെന്ന് എസ്ഡബ്ല്യൂആർ അറിയിച്ചു.

ബെംഗളൂരു-കലബുറഗി എക്‌സ്‌പ്രസ് ഒക്ടോബർ 30, നവംബർ 2 തീയതികളിൽ രാത്രി 9.15ന് ബെംഗളൂരുവിലെ സർ എം വിശ്വേശ്വരയ്യ ടെർമിനലിൽ (എസ്എംവിടി) നിന്ന് പുറപ്പെട്ട് യെലഹങ്ക, ധർമവാരം, അനന്തപുർ, ഗുന്തക്കൽ, അഡോണി വഴി അടുത്ത ദിവസം രാവിലെ 7.40ന് കലബുർഗിയിൽ എത്തിച്ചേരും. യെലഹങ്ക, ധർമവാരം, അനന്തപുർ, ഗുന്തക്കൽ, അഡോണി, മന്ത്രാലയം റോഡ്, റായ്ച്ചൂർ, കൃഷ്ണ, യാദ്ഗിർ, ഷഹാബാദ് സ്റ്റേഷനുകളിൾ സ്റ്റോപ്പുണ്ടാകും.

കലബുർഗി-എസ്എംവിടി ബെംഗളൂരു എക്‌സ്‌പ്രസ് സ്പെഷ്യൽ കലബുർഗിയിൽ നിന്ന് ഒക്ടോബർ 31, നവംബർ 3 തീയതികളിൽ രാവിലെ 9.35 ന് പുറപ്പെട്ട് അതേ ദിവസം രാത്രി 8 മണിക്ക് എസ്എംവിടി ബെംഗളൂരുവിൽ എത്തിച്ചേരും.

12 ജനറൽ സെക്കൻഡ് ക്ലാസ് കോച്ചുകൾ, 3 സ്ലീപ്പർ ക്ലാസ് കോച്ചുകൾ, 2 എസി ത്രീ-ടയർ കോച്ചുകൾ, ലഗേജ്, ബ്രേക്ക് വാൻ കം ജനറേറ്റർ കാർ, സെക്കൻഡ് ക്ലാസ് ലഗേജ്, വികലാംഗ കോച്ചുള്ള ബ്രേക്ക് വാൻ എന്നിവയുൾപ്പെടെ 19 കോച്ചുകൾ ട്രെയിനിലുണ്ടാകും.

TAGS: BENGALURU | TRAINS
SUMMARY: Railway to run Deepavali special train between Bengaluru and Kalaburagi