ബെംഗളൂരു : സൗത്ത് ബെംഗളൂരു മലയാളി അസോസിയേഷന്റെ ഓണാഘോഷം ‘ഓണവില്ല് 2024’ ബെന്നാർഘട്ട റോഡ് ഗോട്ടികരെ ടി. ജോൺ കോളേജിൽ നടന്നു. പ്രസിഡന്റ് അലക്സ് ജോസഫ് അധ്യക്ഷത വഹിച്ചു. സാംസ്കാരിക സമ്മേളനം രാമോജി ഗൗഡ എം.എൽ.സി. ഉദ്ഘാടനം ചെയ്തു. സതീഷ് കൃഷ്ണ സെയിൽ എം.എൽ.എ. മുഖ്യപ്രഭാഷണം നടത്തി. ജാതിമത ചിന്തകൾക്കതീതമായി മലയാളികള്‍ പുലര്‍ത്തുന്ന ഐക്യബോധവും മാനുഷിക വിഷയങ്ങളില്‍ കേരളത്തിലെ മാധ്യമങ്ങള്‍ കാട്ടുന്ന ജാഗ്രതയും തനിക്ക് ഷിരൂരില്‍ കാണാൻ സാധിച്ചതായി അദ്ദേഹം പറഞ്ഞു.
ചിത്രങ്ങള്‍
ജി. കൃഷ്ണപ്പ, ജി.എസ്. മഞ്ജുനാഥ്, ഗോകുലം ഗോപാലൻ, പി.എസ്. ഹാരിസ്, വി.ആർ. ബിനു, വിനോദ് കുമാർ, ബിനു ദിവാകരൻ, മനോഹരൻ തുടങ്ങിയവർ സംസാരിച്ചു. സന്ധ്യാ അനിൽ, നാൻസി ഹാരിസ്, ബി.കെ. നകുൽ, അഞ്ജനാ രാജ് തുടങ്ങിയവർ നേതൃത്വംനൽകി. വിവിധ കലാപരിപാടികളും, ഓണസദ്യയും, ശിഖാ പ്രഭാകറിന്റെ നേതൃത്വത്തിൽ യുവാ കാലിക്കറ്റിന്റെ മെഗാ ഷോയും ഉണ്ടായിരുന്നു.
<BR>
TAGS : ONAM-2024
