ബെംഗളൂരു: വരാനിരിക്കുന്ന ചന്നപട്ടണ ഉപതിരഞ്ഞെടുപ്പിൽ നിഖിൽ കുമാരസ്വാമിയെ സ്ഥാനാർഥിയായി പ്രഖ്യാപിച്ച് എൻഡിഎ. കേന്ദ്രമന്ത്രിയും കർണാടക ജെഡിഎസ് അധ്യക്ഷനുമായ എച്ച്‌.ഡി. കുമാരസ്വാമിയുടെ മകനാണ് നിഖിൽ.
ബിജെപി എംഎൽസി സ്ഥാനം രാജിവച്ച് ബുധനാഴ്ച കോൺഗ്രസിൽ ചേർന്ന സി.പി. യോഗേശ്വർ ആണ് മണ്ഡലത്തിലെ കോൺഗ്രസ് സ്ഥാനാർഥി. കഴിഞ്ഞ ലോക്‌സഭാ തിരഞ്ഞെടുപ്പിൽ മാണ്ഡ്യ പാർലമെൻ്റ് മണ്ഡലത്തിൽ നിന്ന് എച്ച്‌ഡി കുമാരസ്വാമി വിജയിച്ച് കേന്ദ്രമന്ത്രിയയതോടെയാണ് ചന്നപട്ടണയിൽ ഉപതിരഞ്ഞെടുപ്പ് പ്രഖ്യാപിച്ചത്.
ചന്നപട്ടണയെ കൂടാതെ സന്ദൂർ, ഷിഗ്ഗാവ് മണ്ഡലങ്ങളിലും ഉപതിരഞ്ഞെടുപ്പ് നടക്കും. നവംബർ 13നാണ് വോട്ടെടുപ്പ് നടക്കുക. നവംബർ 23 ന് ഫലം പ്രഖ്യാപിക്കും. നാമനിർദേശ പത്രിക സമർപ്പിക്കാനുള്ള അവസാന തീയതി ഒക്ടോബർ 25 ആണ്. പത്രിക പിൻവലിക്കാനുള്ള അവസാന തീയതി ഒക്ടോബർ 30 ആണ്.
TAGS: KARNATAKA | BYPOLLS
SUMMARY: NDA fields Nikhil Kumaraswamy from Channapatna
WhatsApp
Telegram
