ബെംഗളൂരു: കാന്താര സിനിമയിലെ ജൂനിയർ ആർട്ടിസ്റ്റുകള് സഞ്ചരിച്ച ബസ് അപകടത്തില്പ്പെട്ടു. കര്ണാടകത്തിലെ കൊല്ലൂരിന് സമീപം ജഡ്കാലിലാണ് അപകടം നടന്നത്. കാന്താരാ ചാപ്റ്റർ 1 ലെ ആർട്ടിസ്റ്റുകള് സഞ്ചരിച്ച മിനി ബസാണ് അപകടത്തില്പ്പെട്ടത്. ഷൂട്ടിംഗ് ലൊക്കേഷനിലേക്ക് പോകുകയായിരുന്നു സംഘം.
സ്കൂട്ടറുമായാണ് മിനി ബസ് കൂട്ടിയിടിച്ചത്. ജൂനിയർ താരങ്ങളും ടെക്നീഷ്യൻസും അടക്കം 20 പേരായിരുന്നു മിനി ബസില് ഉണ്ടായിരുന്നത്. അപകടത്തിൽ ആറ് പേർക്ക് സാരമായ പരുക്കേറ്റു. ഇവരെ തൊട്ടടുത്ത ആശുപത്രിയിൽ പ്രവേശിപ്പിച്ചിരിക്കുകയാണ്. കൊല്ലൂർ പോലീസ് സ്ഥലത്തെത്തി അന്വേഷണം തുടങ്ങി. പശ്ചിമഘട്ടത്തിൻ്റെ താഴ്വരയിലാണ് കാന്താരയുടെ ചിത്രീകരണം.
അടുത്തിടെ കൊല്ലൂരിലേക്ക് പോയ സിനിമാ സംഘം അവിടെ മുദൂരിനടുത്ത് ചില രംഗങ്ങള് ചിത്രീകരിച്ചിരുന്നു. ഇവിടെ നിന്നും മടങ്ങി പോകുന്നതിനിടെ മിനി ബസ് അപകടത്തില് പെടുകയായിരുന്നു. ബസ് ജഡ്കലിന് സമീപം വെച്ച് റോഡില് നിന്ന് ഇറങ്ങുന്നതിനിടെ ഡ്രൈവർക്ക് നിയന്ത്രണം നഷ്ടപ്പെട്ട് മറിയുകയായിരുന്നു.
TAGS : ACCIDENT | KARNATAKA
SUMMARY : Kanthara movie star bus met with an accident
