കോഴിക്കോട്: കുപ്പിയുടെ അടപ്പ് തൊണ്ടയില്‍ കുടുങ്ങി എട്ടുമാസം പ്രായമുള്ള കുഞ്ഞ് മരിച്ചു. പൊക്കുന്ന് അബീന ഹൗസില്‍ നിസാറിന്റെ മകന്‍ മുഹമ്മദ് ഇബാദ് ആണ് മരിച്ചത്. കുട്ടിയെ കോട്ടപ്പറമ്പ് ആശുപത്രിയില്‍ പ്രവേശിപ്പിച്ചെങ്കിലും ആശുപത്രിയില്‍ എത്തും മുമ്പ് കുഞ്ഞ് മരിക്കുകയായിരുന്നു.
അതേസമയം, കുഞ്ഞിന്റെ മരണത്തില്‍ ദുരൂഹതയുണ്ടെന്ന് ആരോപിച്ച്‌ പിതാവ് നിസാര്‍ രംഗത്തെത്തി. ഇവരുടെ ആദ്യത്തെ കുഞ്ഞ് 14 ദിവസം പ്രായമുള്ളപ്പോള്‍ മുലപ്പാല്‍ തൊണ്ടയില്‍ കുടുങ്ങി മരിച്ചിരുന്നതായി പിതാവ് പറയുന്നു. ഇപ്പോള്‍ മരിച്ച കുഞ്ഞ് രണ്ടാഴ്ച മുമ്പ് ഓട്ടോറിക്ഷയില്‍നിന്ന് തെറിച്ചു വീണിരുന്നെന്നും പിതാവ് പറഞ്ഞു.
ഈ രണ്ടു സംഭവങ്ങളും ഭാര്യവീട്ടില്‍ വെച്ചായിരുന്നുവെന്നും തനിക്ക് ചില സംശയങ്ങളുണ്ടെന്നും പറഞ്ഞ് ഇയാള്‍ പോലിസില്‍ പരാതി നല്‍കി. കോഴിക്കോട് ടൗണ്‍ പോലിസ് അസ്വഭാവിക മരണത്തിനു കേസെടുത്തു.
TAGS : LATEST NEWS
SUMMARY : Eight-month-old baby dies after bottle cap gets stuck in throat
