ഉത്തർപ്രദേശില് ഓടിക്കൊണ്ടിരുന്ന ട്രെയിനിന്റെ കോച്ചുകള് വേർപെട്ടു. ചന്ദൗലിയില് നന്ദൻ കാനൻ എക്സ്പ്രസിലായിരുന്നു അപകടം സംഭവിച്ചത്. കപ്ലിങ് തകരാറിലായതിനാലാണ് ട്രെയിൻ രണ്ടായി വേർപെട്ടത് എന്നാണ് റെയില്വേ നല്കുന്ന വിശദീകരണം.
#WATCH | Chandauli, Uttar Pradesh: The coupling of the Nandan Kanan Express broke near the Pandit Deen Dayal Upadhyaya (DDU) Junction, splitting it into two parts. pic.twitter.com/QjqUHN7tfe
— ANI UP/Uttarakhand (@ANINewsUP) March 4, 2025
ട്രെയിൻ പണ്ഡിറ്റ് ദീൻ ദയാല് ഉപാധ്യായ റെയില്വേ സ്റ്റേഷനു സമീപത്ത് എത്തിയപ്പോഴായിരുന്നു കോച്ചുകള് വേർപെട്ടത്. സ്റ്റേഷനിലേക്ക് അടുക്കുന്നതിനാല് ട്രെയിനിന്റെ വേഗത കുറവായിരുന്നു. ട്രെയിനിന്റെ എസ്4, എസ്5 കോച്ചുകളെ ബന്ധിപ്പിക്കുന്ന കപ്ലിങ്ങാണ് വേർപെട്ടത്.
പുരിയില് നിന്നു ന്യൂഡല്ഹിയിലേക്കു പോകുകയായിരുന്ന ട്രെയിൻ മൂന്നു മണിക്കൂറിലധികം വൈകിയാണ് ഓടിക്കൊണ്ടിരുരുന്നത്. വേർപെട്ട കോച്ചുകളില്നിന്നു യാത്രക്കാരെ മറ്റു കോച്ചുകളിലേക്കു മാറ്റിയ ശേഷം ബോഗികള് പണ്ഡിറ്റ് ദീൻ ദയാല് ഉപാധ്യായ സ്റ്റേഷനില് എത്തിച്ചു. നാലു മണിക്കൂറിലധികം എടുത്താണ് തകരാർ പരിഹരിച്ചത്.
TAGS : LATEST NEWS
SUMMARY : A train running in Uttar Pradesh splits into two
WhatsApp
Telegram
