ബെംഗളൂരു: നാല് വർഷമായി കാണാതായിരുന്ന യുവാവ് ബെംഗളൂരു വിമാനത്താവളത്തിൽ കസ്റ്റഡിയിലായി. അനധികൃതമായി തായ്ലാൻഡിലേക്ക് കടക്കാനുള്ള ശ്രമത്തിനിടെയാണ് പേരമ്പൂർ സ്വദേശിയായ മുഹമ്മദ് വാജിദ് എന്നയാൾ കസ്റ്റഡിയിലായത്. ബിസിനസിൽ സംഭവിച്ച സാമ്പത്തിക നഷ്ടത്തെ തുടർന്ന് നാല് വർഷം മുമ്പ് വാജിദ് ചെന്നൈയിലെ തൻ്റെ വീട് വിട്ട് പോകുകയായിരുന്നു. ഇയാളെ കണ്ടെത്താൻ ഭാര്യ ഭമിത 2020 മാർച്ച് 23-ന് ചെന്നൈയിലെ തൗസൻ്റ് ലൈറ്റ്സ് പോലീസ് സ്റ്റേഷനിൽ മിസ്സിംഗ് കേസ് ഫയൽ ചെയ്തിരുന്നു. എന്നാൽ വാജിദിനെ കണ്ടെത്താനായിരുന്നില്ല.
ബിസിനസ് പങ്കാളികളുടെ പരാതിയിൽ വാജിദിനെതിരെ വഞ്ചനാ കേസും രജിസ്റ്റർ ചെയ്തിരുന്നു. ഇതേ കേസിൽ വാജിദിനെതിരെ തമിഴ്നാട് പോലീസ് ലുക്കൗട്ട് നോട്ടീസും പുറപ്പെടുവിച്ചിരുന്നു. വ്യാജ രേഖകൾ കാട്ടിയാണ് വാജിദ് തായ്ലാൻഡിലേക്ക് കടക്കാൻ ശ്രമിച്ചത്. രേഖകളിൽ സംശയം തോന്നിയ ഉദ്യോഗസ്ഥർ വാജിദിനെ എമിഗ്രേഷൻ പോയിന്റിൽ തടഞ്ഞുവെക്കുകയായിരുന്നു. നിലവിൽ വാജിദ് ബെംഗളൂരു പോലീസിന്റെ കസ്റ്റഡിയിലാണ്. ഇയാളെ ഉടൻ തമിഴ്നാട് പോലീസിന് കൈമാറും.
TAGS: BENGALURU UPDATES | MISSING
SUMMARY: Man missing for 4 years detained while boarding plane to Thailand
WhatsApp
Telegram
