ദുബായ്: ഫ്ലൈ ദുബായ് വിമാനത്തിൽ സഹ പൈലറ്റിന്റെ ആക്രമണം ധീരമായി നേരിട്ട ക്യാപ്റ്റൻ സ്മിത്ത് മച്ചാർ ഉൾപ്പടെ ഫ്ളൈ ദുബായ് ജീവനക്കാർക്ക് യുഎഇയുടെ ഉന്നത ബഹുമതി. ഫസ്റ്റ് ക്ലാസ് ഓർഡർ ഓഫ് ഷെയ്ഖ് സായിദ് – 2 ആണ് ഫ്ലൈ ദുബായ് ജീവനക്കാർക്ക് സമ്മാനിച്ചത്.
2026 സെപ്റ്റംബർ 30-ന് ദുബായിൽ നിന്ന് ഇസ്രായേലിലെ ടെൽ അവീവിലേക്ക് പറക്കുകയായിരുന്ന ഫ്ലൈ ദുബായ് FZ1073 വിമാനത്തിന്റെ കോക്ക്പിറ്റിൽ വെച്ച് സഹ പൈലറ്റ് ക്യാപ്റ്റൻ സ്മിത്തിനെ ആക്രമിക്കുകയും വിമാനം തകർക്കാൻ ശ്രമിക്കുകയും ചെയ്തു. ഗുരുതരമായി പരിക്കേറ്റിട്ടും ക്യാപ്റ്റൻ സ്മിത്ത് അക്രമിയെ പ്രതിരോധിക്കുകയും കോക്ക്പിറ്റിന്റെ വാതിൽ തുറന്ന് മറ്റ് ജീവനക്കാർക്കും യാത്രക്കാർക്കും അകത്തുകടക്കാൻ അവസരമൊരുക്കുകയും ചെയ്തു. തുടർന്ന് വിമാനം സൗദി അറേബ്യയിലെ തബൂക്കിൽ സുരക്ഷിതമായി അടിയന്തരമായി ഇറക്കുകയായിരുന്നു. ഇതിനിടെ കോക്ക്പിറ്റിന്റെ വാതിൽ തുറക്കുകയും യാത്രക്കാരും വിമാനത്തിലെ ജീവനക്കാരും ചേർന്ന് അക്രമിയെ കീഴ്പ്പെടുത്തുകയായിരുന്നു. തുടർന്ന് വിമാനം സൗദി അറേബ്യയിലെ തബൂക്ക് വിമാനത്താവളത്തിൽ സുരക്ഷിതമായി ഇറക്കുകയായിരുന്നു.
ക്യാപ്റ്റൻ സ്മിത്ത് മച്ചാറിന്‍റെ സമയോചിതമായ ഇടപെടലും ധീരതയും വലിയൊരു വിമാനദുരന്തം ഒഴിവാക്കിയെന്ന് യുഎഇ അധികൃതർ പറഞ്ഞു. 174 യാത്രക്കാരുടെ ജീവൻ രക്ഷിച്ച ക്യാപ്റ്റന്‍റെയും മറ്റ് ജീവനക്കാരുടെയും പ്രവർത്തനങ്ങൾക്കുള്ള അംഗീകാരമായാണ് യുഎഇയുടെ ഉന്നത ബഹുമതി സമ്മാനിച്ചത്.
യുഎഇയുടെ ഈ ഉന്നത ബഹുമതിക്ക് പുറമെ, ഇസ്രായേൽ സർക്കാർ തങ്ങളുടെ പരമോന്നത സിവിലിയൻ ബഹുമതിയായ ‘പ്രസിഡൻഷ്യൽ അവാർഡ് ഫോർ സിവിലിയൻ ഹീറോയിസം’ ക്യാപ്റ്റൻ സ്മിത്തിന് പ്രഖ്യാപിച്ചിട്ടുണ്ട്. കൂടാതെ ഇന്ത്യൻ പ്രധാനമന്ത്രി നരേന്ദ്ര മോദിയും യുഎസ് ജനപ്രതിനിധി സഭയും അദ്ദേഹത്തിന്റെ ധീരതയെ പ്രശംസിച്ചിരുന്നു.
SUMMARY: UAE’s top honour for Indian captain Smith
