ബെംഗളൂരു: കർണാടക നായർ സർവീസ് സൊസൈറ്റി എം.എസ്. നഗർ കരയോഗം കുടുംബസംഗമം ലിംഗരാജപുരം ശ്രീസായി കലാമന്ദിറിൽ നടന്നു. കോട്ടയ്ക്കൽ ആര്യവൈദ്യശാല സി.ഇ.ഒ. കെ. ഹരികുമാർ ഉദ്ഘാടനം ചെയ്തു.
പി.സി. മോഹൻ എം.പി., കെ.എൻ.എസ്.എസ്. ചെയർമാൻ ആർ. മനോഹര കുറുപ്പ്, ജനറൽ സെക്രട്ടറി ടി.വി. നാരായണൻ, ബാങ്ക് ഓഫ് ഇന്ത്യ കർണാടക സോണൽ മാനേജർ അനിത ആർ. നായർ, ഐ.പി. രാമചന്ദ്രൻ, കരയോഗം പ്രസിഡന്റ് കെ. ഉണ്ണികൃഷ്ണൻ, ജനറൽ കൺവീനർ ശരത്ചന്ദബാബു, കരയോഗം സെക്രട്ടറി ഇ.സി. ദേവിദാസ്, മഹിളാവിഭാഗം പ്രസിഡന്റ് ശ്രീദേവീ സുരേഷ്, യുവജനവിഭാഗം പ്രസിഡന്റ് അഖിൽദാസ് എന്നിവർ സംസാരിച്ചു.
ചടങ്ങിൽ ‘പരമ ഭട്ടാരക ശ്രീ ചട്ടമ്പിസ്വാമി തിരവടികൾ യുവ പുരസ്കാരം 2025’ മിഥുൻ ശ്യാമിന് നൽകി ആദരിച്ചു. വയനാട് ദുരന്തത്തിൽ രക്ഷാപ്രവർത്തനത്തിന് നേതൃത്വം നൽകിയ സൈനിക ഉദ്യോഗസ്ഥരെ ചടങ്ങിൽ ആദരിച്ചു. പഠനത്തിൽ മികവുതെളിയിച്ച കുട്ടികൾക്ക് പുരസ്കാരങ്ങള്‍ വിതരണം ചെയ്തു. കരയോഗം മഹിളാവിഭാഗം ജനനിയുടെയും യുവജനവിഭാഗ അംഗങ്ങളുടെയും കുട്ടികളുടെയും വിവിധ കലാപരിപാടികളും. വൈഷ്ണവി നാട്യശാല അവതരിപ്പിച്ച നൃത്തസംഗീതശില്പവും സിനിമാ ടി.വി. രംഗത്തെ പ്രശസ്തരായ കലാകാരന്മാർ അവതരിപ്പിച്ച കോമഡി മെഗാ ഷോയും അരങ്ങേറി.
<BR>
TAGS : KNSS
