ബെംഗളൂരു: സമന്വയ എഡ്യൂക്കേഷണല്‍ ചാരിറ്റബിള്‍ ട്രസ്റ്റ് – ദാസറഹള്ളി ഭാഗിന്റെ ഓണാഘോഷം ‘ഓണവിരുന്ന് – 2026’ ഒക്ടോബര്‍ 4-ന് രാവിലെ 9 മുതല്‍ ജാലഹള്ളി – ഷെട്ടിഹള്ളിയിലെ ഡിആര്‍എല്‍എസ് പാലസില്‍ വിവിധ കലാ-സാംസ്‌കാരിക- പരിപാടികളോടെ നടക്കും.
കേന്ദ്ര സഹമന്ത്രി ശോഭ കരന്തലജെ, ദാസറഹള്ളി എം.എല്‍.എ എസ്. മുനിരാജു, ബി.ജെ.പി കേരളം ജനറല്‍ സെക്രട്ടറി . അനൂപ് ആന്റണി, ഷങ്ക് (ഇന്ത്യ) പ്രൈവറ്റ് ലിമിറ്റഡ്എം.ഡി സതീഷ് സദാശിവന്‍, എന്‍പിഎസ് യൂണിവേഴ്‌സിറ്റി പ്രൊഫസര്‍ ആന്റ് ഡയറക്ടര്‍ ശാന്തികുമാര്‍ എച്ച്.പി, മുന്‍ ജില്ലാ പഞ്ചായത്ത് പ്രസിഡന്റ് ജി. മാരിസ്വാമി,പഞ്ചായത്ത് പ്രസിഡന്റ് രാജണ്ണ, മുന്‍ കോര്‍പ്പറേറ്റര്‍ കെ. നാഗഭൂഷണ്‍ എന്നിവര്‍ മുഖ്യാതിഥികളാകും.
സമന്വയ മാതൃസമിതി അംഗങ്ങളും ബാലഗോകുലം കുട്ടികളും അവതരിപ്പിക്കുന്ന കലാപരിപാടികള്‍, സാംസ്‌കാരിക സമ്മേളനം, ഓണസദ്യ, ചാരിറ്റി പ്രവര്‍ത്തനങ്ങള്‍, ബാലഗോകുലത്തിലെ എസ്.എസ്.എല്‍.സി., പ്ലസ് ടു വിജയികളെ അനുമോദിക്കല്‍ എന്നിവ നടക്കും.
നൂറിലധികം പേര്‍ അണിനിരക്കുന്ന ശ്രീ മുത്തപ്പന്റെ ജീവിതത്തെ ആസ്പദമാക്കിയുള്ള നൃത്ത-സംഗീത ശില്പം ‘മുത്തപ്പ ചരിതം’. അരങ്ങേറും. അമ്മ മ്യൂസിക് ബാന്‍ഡിന്റെ നേതൃത്വത്തില്‍ ഏഷ്യാനെറ്റ് സ്റ്റാര്‍ സിംഗര്‍ ഫെയിം വിവേകാനന്ദന്‍ നയിക്കുന്ന മെഗാ മ്യൂസിക്കല്‍ ഷോ, കോമഡി ഉത്സവം ഫെയിം ചാര്‍ളി വയനാടിന്റെ കോമഡി വണ്‍ മാന്‍ ഷോ, നടന്‍ പ്രജിത്ത് കുഞ്ഞിമംഗലത്തിന്റെ സ്‌പോട്ട് ഡബ്ബിംഗ് ആന്റ് ആങ്കറിംഗ് എന്നിവയും ഉണ്ടായിരിക്കും.
