ബെംഗളൂരു: മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും നാളെ ഡൽഹിയിൽ എഐസിസി നേതൃത്വവുമായി കൂടിക്കാഴ്ച നടത്തും. മുഖ്യമന്ത്രി മാറ്റവുമായി ബന്ധപ്പെട്ട് അഭ്യൂഹങ്ങൾ സജീവമാകുന്നതിനിടെയാണ് കൂടിക്കാഴ്ച. സംഘടനാ ചുമതലയുള്ള എഐസിസി ജനറൽ സെക്രട്ടറി കെ.സി. വേണുഗോപാലുമായി ഇരുവരും ചർച്ച നടത്തും. എന്നാൽ മുഖ്യമന്ത്രി പദം ഒഴിഞ്ഞു കിടക്കുന്നില്ലെന്നും അതിനാൽ ഇതുസംബന്ധിച്ച ചർച്ചകൾക്കു പ്രസക്തിയില്ലെന്നും ശിവകുമാർ ഡൽഹിയിൽ പ്രതികരിച്ചിട്ടുണ്ട്.
അതിനിടെ മുതിർന്ന കോൺഗ്രസ് എംഎൽഎമാരായ തൻവീർ സേട്ടും സി.പി. യോഗേശ്വറും മുഖ്യമന്ത്രി സ്ഥാനത്തേക്കു ശിവകുമാറിനെ പിന്തുണച്ച് രംഗത്തെത്തി. പരസ്യപ്രതികരണങ്ങൾ ഒഴിവാക്കണമെന്ന എഐസിസി നിർദേശം മറികടന്നാണ് ഇരുവരുടെയും പ്രതികരണം.
SUMMARY: CM Siddaramaiah, DK Shivakumar in Delhi to meet high command tomorrow
siddaramaiah-dk-shivakumar-in-delhi-to-meet-high-command-tomorrow
