ബെംഗളൂരു: യുവതിയെ കൂട്ടബലാത്സംഗം ചെയ്ത് പണം തട്ടിയെടുത്ത കേസിൽ 4 പേരെ ബെംഗളൂരു പോലീസ് അറസ്റ്റ് ചെയ്തു. പാരപ്പന അഗ്രഹാര സ്വദേശിയായ 36 വയസ്സുകാരിക്കു നേരെയാണ് ആക്രമണമുണ്ടായത്. ജൂലൈ ഏഴിനായിരുന്നു കേസിനാസ്പദമായ സംഭവം.
ബ്യൂട്ടീഷനായ യുവതിയെ സുഹൃത്തും മറ്റ് 3 പേരും ചേർന്ന് ഭീഷണിപ്പെടുത്തി ബലാത്സംഗം ചെയ്യുകയായിരുന്നു. ഇതിനു ശേഷം പ്രതികൾ യുവതിയെ നിർബന്ധിച്ച് 20,000 രൂപ ഓൺലൈൻ വാതുവയ്പ് ആപ്പിൽ നിക്ഷേപിച്ചു. ഒപ്പം വീട്ടിൽ നിന്ന് 2 മൊബൈൽ ഫോണുകളും ഫ്രിഡ്ജും വാഷിങ് മെഷീനും എടുത്തു കൊണ്ടു പോയതായും യുവതിയുടെ പരാതിയിൽ പറയുന്നു. പ്രതികൾക്കെതിരെ കൂട്ടബലാത്സംഗത്തിനും കൊള്ളയടിക്കലിനും കേസെടുത്തു. യുവതിയെ വൈദ്യ പരിശോധനയ്ക്കു വിധേയമാക്കിയതായും പോലീസ് അറിയിച്ചു.
SUMMARY: Bengaluru woman allegedly gang-raped, robbed at friend’s house; four accused arrested.
WhatsApp
Telegram
