ബെംഗളൂരു: ബെംഗളൂരുവില് നിന്ന് പുതിയതായി ആരംഭിച്ച കേരള ആര്ടിസിയുടെ കൊട്ടാരക്കര സ്ലീപ്പർ ബസിന് മലയാളി അസോസിയേഷനുകളുടെ നേതൃത്വത്തില് സ്വീകരണം നല്കി. പൂമാല അണിയിച്ചും മധുരം വിതരണം ചെയ്തുമായിട്ടായിരുന്നു സ്വീകരണം.
സുവർണ കർണാടക കേരളസമാജം സംസ്ഥാന പ്രസിഡണ്ട് എ ആർ രാജേന്ദ്രൻ, വൈസ് പ്രസിഡണ്ടു മാരായ ബൈജു കെ ജെ, മെറ്റി ഗ്രേസ്, കോറമംഗല ശാഖ കൺവീനർ രാധാകൃഷ്ണൻ അടൂർ, പ്രശാന്ത്, ബാലകൃഷ്ണൻ, ഫാദർ വർഗീസ് പുതുപറമ്പിൽ, കെകെടിഎഫിന്റെ ഭാഗമായി ആർ വി ആചാരി, എം.എം.എയെ പ്രതിനിധീകരിച്ച് ഷംസുദ്ദീൻ കൂട്ടാളി, ഷംസുദ്ദീൻ സാറ്റലൈറ്റ്, മുഹമ്മദ് മൗലവി എന്നിവരും ചടങ്ങിൽ പങ്കെടുത്തു. കെഎസ്ആർടിസിക്ക് വേണ്ടി ബെംഗളൂരു സ്റ്റേഷൻ ഇൻസ്പെക്റ്റർമാരായ അശോകൻ, ശിവൻ, എന്നിവരും പാലക്കാട് ഡിപ്പോയിൽ നിന്ന് സുനിൽ എന്നിവരും ചടങ്ങിന്റെ ഭാഗമായി.
ദിവസവും വൈകിട്ട് 5.45 ന് ആണ് കൊട്ടാരക്കര ബസ് സാറ്റലൈറ്റ് സ്റ്റാൻഡിൽ നിന്നും പുറപ്പെടുന്നത്. കൂടാതെ ഒരു എറണാകുളം സെമി സ്ലീപ്പർ ബസ്സും വൈകിട്ട് 7.15 ന് സർവീസ് ആരംഭിച്ചിട്ടുണ്ട്. ഓണത്തോട് അനുബന്ധിച്ച് ആരംഭിച്ച ഈ രണ്ടു സർവീസുകളും മലയാളികൾക്ക് ഏറെ പ്രയോജനപ്പെടുന്നതാണ്.
SUMMARY: Kerala RTC’s new bus welcomed by Malayali Associations
