ബെംഗളൂരു: കേന്ദ്ര സാഹിത്യ അക്കാദമി സംഘടിപ്പിക്കുന്ന സാഹിത്യ സെമിനാറും പുസ്തകമേളയും നവംബര് 14 മുതല് 20 വരെ മാലത്തഹള്ളി ജ്ഞാനജ്യോതി നഗറിലെ സാഹിത്യ അക്കാദമി ഹാളിൽ നടക്കും. 14 ന് രാവിലെ 11 മണിക്ക് നടക്കുന്ന ബഹുഭാഷാ കവിസമ്മേളനം കന്നഡ എഴുത്തുകാരൻ നഞ്ചുണ്ടസ്വാമി ഉദ്ഘാടനം ചെയ്യും. തുടര്ന്നു നടക്കുന്ന കവിതാ അവതരണത്തില് ടി.പി. വിനോദ് (മലയാളം), ഗ്യാൻചന്ദ് മർമ്മജ്ഞ (ഹിന്ദി),സുബ്ബു ഹോളെയാർ (കന്നഡ), സുജാത എസ്. (തമിഴ്)അംബിക അനന്ത് (തെലുങ്ക്/ഇംഗ്ലീഷ്) ഷൈസ്ത യൂസഫ് (ഉറുദു) എന്നിവര് പങ്കെടുക്കും,
16 ന് രാവിലെ എസ്.എൽ. ഭൈരപ്പയുടെ ജീവിതവും എഴുത്തും എന്ന വിഷയത്തില് ശതാവധാനി ആർ. ഗണേഷ് സംസാരിക്കും. 19 ന് ഉച്ചയ്ക്ക് 12 മുതല് നടക്കുന്ന പ്രാദേശിക ഭാഷകളിലെ സാഹിത്യ വിവർത്തനം, അവലോകനം, വിശകലനം എന്നീ വിഷയങ്ങളിൽ കെ.കെ.പ്രേംരാജ് (മലയാളം), ശ്രീകീർത്തി (കന്നഡ), മലർവിഴി (തമിഴ്), കെ.ആശാ ജ്യോതി (തെലുങ്ക്) എന്നിവർ പ്രസംഗിക്കും. 20 ന് രാവിലെ 11ന് സാഹിത്യ അക്കാദമിയുടെ ഡോക്യുമെന്ററി ചിത്ര പ്രദര്ശനം നടക്കും. പുസ്തകമേള ഡിസംബർ 13 വരെ നീണ്ടുനില്ക്കും. മേളയില് അക്കാദമി പുസ്തകങ്ങൾക്ക് 20-50% വരെ വിലക്കിഴിവ് ഉണ്ട്.
SUMMARY: Kendra Sahitya Akademi Seminar and Book Fair on 14th
WhatsApp
Telegram
