ബെംഗളൂരു: നാലപ്പാട്ട് നാരായണമേനോൻ വിവർത്തനം ചെയ്ത വിക്ടർ യൂഗോയുടെ പാവങ്ങൾ നോവലിന്റെ നൂറാം വർഷം ആഘോഷിക്കുന്നതിന്റെ ഭാഗമായി കേരള സമാജം ദൂരവാണി നഗർ സംഘടിപ്പിക്കുന്ന സംവാദം ഇന്ന് വിജനപുര ജൂബിലി സ്കൂളിൽ വൈകീട്ട് നാലിന് നടക്കും ‘പാവങ്ങളുടെ നൂറുവർഷവും മലയാള സാഹിത്യത്തിലെ സ്വാധീനവും’ എന്ന വിഷയത്തിൽ നടക്കുന്ന സംവാദം എഴുത്തുകാരിയും ചിത്രകാരിയുമായ അനുരാധാ നാലപ്പാട്ട് ഉദ്ഘാടനംചെയ്യും. അധ്യാപകനും എഴുത്തുകാരനുമായ റഫീഖ് ഇബ്രാഹിം മുഖ്യപ്രഭാഷണം നടത്തും. സമാജം പ്രസിഡന്റ് മുരളീധരൻനായർ അധ്യക്ഷത വഹിക്കും. ബെംഗളൂരുവിലെ എഴുത്തുകാരും സാംസ്കാരിക പ്രവർത്തകരും സാഹിത്യാസ്വാദകരും പങ്കെടുക്കും. കവിതാലാപനത്തിനും അവസരമുണ്ടാകും. ഫോൺ: 9008273313.
