തിരുവനന്തപുരം: പതിനഞ്ചാം കേരള നിയമസഭയുടെ 16-ാം സമ്മേളനം ജനുവരി 20 മുതല് വിളിച്ചു ചേര്ക്കാന് മന്ത്രിസഭാ യോഗം ഗവര്ണറോട് ശുപാര് ചെയ്തു. കൂടാതെ കൊച്ചി ക്യാന്സര് റിസര്ച്ച് സെന്ററില് 91 സ്ഥിരം തസ്തികകളും 68 കരാര് തസ്തികളും ഉള്പ്പെടെ 159 തസ്തികകള് സൃഷ്ടിക്കാനും മന്ത്രിസഭാ യോഗത്തില് തീരുമാനമായി.
ഫോറൻസിക് സയൻസ് ലബോറട്ടറിയില് 12 സയന്റിഫിക് ഓഫീസർ തസ്തികകളും ബയോളജി വിഭാഗത്തില് – 3 കെമിസ്ട്രി വിഭാഗത്തില് – 4, ഡോക്യുമെൻ്റ്സ് വിഭാഗത്തില് – 5 എന്നിങ്ങനെയുമാണ് തസ്തികകള്. അതോടൊപ്പം ഉഡുപ്പി-കരിന്തളം (കാസറഗോഡ്) 400 കെ.വി. അന്തർ സംസ്ഥാന ട്രാൻസ്മിഷൻ ലൈൻ പദ്ധതിയുടെ നിർമ്മാണത്തിനായി പ്രത്യേക നഷ്ടപരിഹാര പാക്കേജ് യോഗത്തില് അംഗീകരിച്ചു.
പാക്കേജ് നടപ്പിലാക്കുന്നത് മൂലമുണ്ടാകുന്ന സാമ്പത്തിക ബാധ്യത പൂർണ്ണമായും സ്റ്റെർലൈറ്റ് പവർ ട്രാൻസ്മിഷൻ ലിമിറ്റഡ് പ്രസ്തുത പ്രോജക്ടിനായി രൂപീകരിച്ച സ്പെഷ്യല് പർപ്പസ് വെഹിക്കിള് ആയ ഉഡുപ്പി കാസറഗോഡ് ട്രാൻസ്മിഷൻ ലിമിറ്റഡ് (UKTL) വഹിക്കേണ്ടതാണ് എന്ന വ്യവസ്ഥയിലാണിത്.
SUMMARY: Assembly session to begin on January 20; Cabinet meeting to make recommendations to Governor
